हुम्ला
सिमकोट गाउँपालिकाले क्वारेन्टाइनमा बस्दै आएका नाफ्ना नागरीकलाई क्वारेन्टाइन खर्च दिने निर्णय गरेको छ । आजै बसेको गाउँकार्यपालीको बैठकले प्रतिव्यक्तिलाई विहान बेलुका खाना र दिउँसो खाजा खर्च एक सय गरेर पाँच सयका दरले दिनेभएको छ ।

गाउँपालिकाले वडा एक देखि आठ सम्म क्वारेन्टायनमा बसेका दुई सय १६ जनालाई प्रतिव्यक्ति पाँच सयका दरले क्वारेन्टाइन खर्च दिएको सिमकोट गाउँपालिका प्रवक्ता रुपसिंह सुनारले जानकारी दिनुभयो ।

जिल्ला बाहिर काठमाण्डौ, सुर्खेत, नेपालगन्ज लगायत अन्य मुलुकबाट भित्रीएका २ सय १६ जनालाई दिनको पाँच सयका दरले १५ लाख १२ हजार रुपैयाँ क्वारेन्टाइन दिएको प्रवक्ता सुनारले बताउनुभयो ।

पालिकाले जिल्लाबाहिरबाट आउने र कवारेन्टाइनमा बस्ने सबैलाई क्वारेन्टाइन खर्च दिने भएको हो ।

यस्तै सिमकोट गाउँपालिकाले विपद व्यवस्थापन कोषमा प्रदेश सरकारले पठाएको १५ लाखमा गाउँपालिकामा सम्झौ नभएका योजनाको रकम पनि रकामान्तर गर्ने भएको छ ।

आजै सबेको कार्यपालिका बैठकले गाउँपालिकामा सम्झौता नभएका सम्पुर्ण योजनाहरुको रकम विपद व्यवस्थापन कोषमा रकामान्तर गर्ने भएको सिमकोट गाउँपालिका अध्यक्ष पदम बहादुर लामाले बताउनुभयो ।