 हिमाली जिल्ला हुम्लामा हवाइ मार्ग तथा स्थल मार्गबाट भित्रीने मासु तथा मासु जन्य पदार्थ रोक लगाइएको छ । उक्त रोक सिमकोट गाउँपालिकाका अध्यक्ष विजय भण्डारीको अध्यक्षतामा वसेको बैठकले सोमबारबाट रोक लगाएको सोही गाउँपालिका पशु शाखाका नाप्रस विष्णु वुमीले बताएका छन् ।

कर्णाली प्रदेशको सुर्खेत जिल्लामा देखिएको वर्डफुलु रोग हुम्ला जिल्लामा भित्रीन नदिनका लागी अर्को सुचना प्रकासित नभए सम्मका लागी जिल्ला बाहिरबाट हवाइ मार्ग तथा स्थल मार्गबाट आउने मासु तथा मासुजन पदार्थमा रोक लगाइएको सोही गाउँपालिकाका प्रमुख प्रशासकिय अधिकृत उजिर रोकायाले बताएका छन् ।

सरोकारवाला निकायहरुको उपस्थितमा संचालन भएको वैठकले गरेका निर्णयहरुका बारेमा बताउदै सिमकोट गाउँपालिका उपाध्यक्ष सुसिला भाम रोकायाले बताएकी थिइन । जिल्लामा भित्रीने मासु तथा मासु जन पदार्थ भित्रीन नदिनका लागी हुम्ला जिल्लाका मुख्य नाकाहरु कवाडी चंखेली र सिमकोट विमान स्थलमा सुरक्षा निकायलाई कडा गर्नका लागी जिल्ला प्रहरी कार्यालयमा अनुरोध गर्ने पनि निर्णय भएको सिमकोट गाउँपालिका अध्यक्ष विजय भण्डारीले बताएका बताएका थिए ।

हुम्ला जिल्लामा भित्रीने मासु सँगै अन्य सामानहरु पैदल मार्ग तथा हवाइ मार्गबाट आएको हो त्यसको लेखा जोखा गरी सोही अनुसारको उद्योग बाँणिज्य संघ दररेट निर्धारणको लागी सुस्मरुपमा अध्ययन भइ रहेको उद्योग बाँणिज्य संघका अध्यक्ष नाम्गेल तामाङले बताएका थिए ।
हुम्ला जिल्लामा भित्रीने मासु तथा मासुजन्य पदार्थ उपभोक्ताले खान उपयुक्त छ वा छैनन् भन्ने बारेमा जिल्ला पशु सेवा कार्यालयले सुस्म अध्ययन गरीरहेको र समय समयमा यसको निरिक्षण पनि गरि रहेको जिल्ला पशु अस्पताल तथा पशु सेवा कार्यालय प्रमुख ज्ञानेन्द्रबहादुर बुढथापाले बताएका थिए ।
बैठकमा सुरक्षा निकाय पत्रकार घरेलु उद्योग तथा उपभोक्ताहित संरक्षण कार्यालय प्रमुख धुर्वकुमार बाठामगर लगाएतको उपस्थित रहेको बैठक सोमबार विहान ८ वजे सिमकोट गाउँपालिकाको कार्यालयमा संचालन भएको थियो ।