जिल्ला समन्वय समितिको निर्वाचनको कार्यतालिका सार्वजनिक गरिएको छ । उक्त कार्यतालिका मुख्य निर्वाचन अधिकृतको कार्यालयले निकालेको हो । सो कार्यतालिका अनुसार मतदाता नामावली प्रकासन विहिवार नै प्रकासित गरिएको छ । जिल्ला समन्वय समितिको निर्वाचनमा मतदान गर्ने मतदाताको नामवली प्रकासित गरेको हो ।

त्यसै गरी मतदाता नामावली सच्याउन वा छुट नाम समावेश गर्न दरखास्त दिने समययावधि पनि विहिवार दिनको १ वजे देखि २ वजे सम्म रहेको थियो । संशोधित मतदाता नामावली प्रकाशन विहिवार दिनको २ वजे देखि ३ वजे सम्म र मतदाताको विरोधमा उजुरी दिने पनि आजै अषाढ २ गते दिनको ३ वजे देखि ५ वजे सम्म तोकिएको थियो । सोही अनुसार मतदाताको विरोधमा परेको उजुरी उपर जाँचबुझ गर्ने अषाढ ३ गते विहान १० वजे देखि १ वजे सम्म र अन्तिम मतदाता नामावली प्रकासन गर्ने अषाढ ३ गते दिनको १ वजे देखि २ वजे सम्म तोकिएको छ ।

उम्मेदवारको मनोनयन दर्ता गर्ने अषाढ ५ गते विहान १० वजे देखि १ वजे सम्म, मनोनयन पत्र दर्ता भएका उम्मेदवारको सुची प्रकासन गर्न अषाढ ५ गते २ वजे देखि ३ वजे सम्म, मनोनयन पत्रको जाँच र उजुरी उपर निर्णय गर्ने अषाढ ५ गते दिनको ५ वजे देखि ५ वजेर ३० वजे सम्म रहेको छ । उम्मेदवारको नामवली प्रकासन गर्ने अषाढ ५ गते दिनको ६ वजे, उम्मेदवारले नाम फिर्ता लिने अषाढ ६ गते विहान १० वजे देखि दिनको १२ वजे सम्म रहेको छ । सोही अनुसार उम्मेदवारको अन्तिम नामावली प्रकासन गर्ने अषाढ ६ गते दिनको १ वजे देखि २ वजे सम्म र उम्मेदवारलाई निर्वाचन चिन्ह प्रदान गर्ने अषाढ ६ गते दिनको २ वजे देखि ३ वजे सम्म रहेको छ ।
मतदान गर्ने अषाढ ७ गते विहान १० वजे देखि १२ वजे सम्म रहेको मुख्य निर्वाचन अधिकृत जगतबहादुर पौडेलले यसरी बताउनु भएको छ । १ जना मतदाताले ९ जना सम्मको प्रस्तावक र समर्थक वस्ने पाउने भएका छन् । उक्त निर्वाचनमा गाउँपालिकाका अध्यक्ष र उपाध्यक्षले मात्रै मतदान गर्न पाउने भएका छन् ।