खार्पुनाथ गाउँपालिका हुम्ला वडा नं ५ को पहिलो वैठक संचालन भएको थियो । सोही वडाका वडा अध्यक्ष भरतजंग शाहीको अध्यक्षतामा वसेको वैठकले विद्युत महसुल देखि सुत्केरीलाई गाडी भाडा सम्म निशुल्क गर्ने निर्णय गरिएको बताएका छन् । खार्पुनाथ गाउँपालिकाको जनताको घरदैलोमा पुगी आवश्यकतालाई पहिचान गरी अति आवश्यकका योजनाहरुलाई पहिलो प्राथामिकतामा राखी योजना संचालन गर्ने निर्णय गरिएको अध्यक्ष शाहीले बताएका छन् ।

खार्पुनाथ गाउँपालिका वडा नं ५ मा विद्युत लाईन विस्तार नभएका घरधुरीमा विद्युत जडान गर्ने र विद्युत जडान भएका घुरीहरुको विद्युत महसुल खार्पुनाथ गाउँपालिका वडा नं ५ ले तिर्ने निर्णय समेत गरिएको छ । सोही अनुसार वडा नं ५ मा कोही कसैको मृत्यु वरण भएमा किरिया खर्च वापत १० हजार दिने, सुत्केरी महिलालाई खार्पुनाथ गाउँपालिकामा उपचार हुन नसकि जिल्ला सदरमुकाम सिमकोटमा रहेको जिल्ला स्वास्थ्य सेवा कार्यालयमा रिफर गर्नु पर्यो भने निशुल्क गाडी भाडा उपलब्ध गराउने, सोही गाउँपालिकाको गाउँपालिकाबाट स्यालाबाड हुँदै जाकोट सम्मको सडक निमार्णको लागी यस अघि डिपिआर तयार भइ सकेकोले त्यसलाई कार्यान्वयनमा ल्याउने, सोही वडा पालिकाको दुर्पामा ढल निकासा गर्ने, ताक्ला बाम्टा गाउँमा हेमा खोला सिचाइ र आरन भवन निर्माण गर्ने र खर्पेल गाउँमा ढल निकास गर्ने लगाएतका निर्णय गरि नवनिर्वाचित अध्यक्ष शाहीले बताएका छन् ।
त्यसै गरी गाउँ घरमा फैलन सक्ने माहामारीको नियन्तणका लागी संधै सजक सहज भइ घरआगन सरसफाइ राख्न लगाउन, लक्षित समुदाय गरिव निमुखा जनताका बाल बच्चालाई विद्यालय जानका लागी प्ररित गर्न जनचेतनामुलक कार्यक्रम संचालन गर्ने, विद्यालय खानेपानीका धार पाटी पाउवा सरसफाइ राख्ने खार्पुनाथ गाउँपालिका वडा नं ५ को पहिलो वडा पालिकाको वैठकले निर्णय गरेको छ ।