खार्पुनाथ गाउँपालिका वडा नं ४ को वडा बैठक वसेको छ । वडा अध्यक्ष रंगमति शाहीको अध्यक्षतामा वसेको पहिलो बैठकले ४ वटा निर्णय गरेको छ ।
जसमा खार्पुनाथ गाउँपालिका वडा नं ४ मा वस्ने सुत्केरीलाई प्रोत्साहन स्वरुप ५ हजार दिने, सो वडामा स्थाइरुपमा वस्ने दलित अपाङ्ग र एकल महिलाका छोरा छोरीलाई उच्च शिक्षा कक्षा ११ भन्दा माथि अध्ययन गर्नका लागी वार्षिक २० हजार दिने, खार्पुनाथ गाउँ पालिका वडा नं ४ मा बसोबास भएका गाउँहरुमा टोल विकास समिति गठन गर्ने र उक्त वडामा संचालन हुने विकास निर्माणका कामहरुको पार्दशी र सुशासन कायम गर्न उपभोक्ता समितिको खर्च स्वरुप पन्ध्र प्रतिसत छुट्याउने र बाँकी रकम वडा अध्यक्षको रोहवरमा सार्वजनिक सुनुवाइ गरी सम्वन्धीत कामदारलाई बुझाउने, प्रत्येक उपभोक्ता समितिमा महिला ६० प्रतिसत अनिवारे सहभागिता गर्ने निर्णय गरिएको वडा अध्यक्ष रंगमती शाहीले बताएकी छन् ।
बैठक बुधबार दिनको १० वजे खार्पुनाथ गाउँपालिका वडा नं ४ को वडा कार्यालयमा वसेको थियो ।