आगामी बैशाख ३० गते हुन लागेको स्थानीय तहको चुनावमा निर्वाचन आयोगले हुम्ला जिल्ला भरका ७ वटा गाउँ पालिका मतगणना स्थलमा सीसी क्यामेरा जडान गर्ने भएको छ । सोमबार मात्रै मुख्य निर्वाचन अधिकृतको कार्यालय सिमकोट हुम्लामा ८ वटा सिसि क्यामरा जडान गरिएको छ । जसमा ६ वटा मतगणना स्थल र २ वटा मुख्य ढोकामा जडान गरिएको मुख्य निर्वाचन अधिकृत जगतबहादुर पौडेलले बताएका छन् ।
सम्भावित घटनालाई मध्यनजर गर्दै आयोगले सीसी क्यामरा जडान गर्ने निर्णय गरेको बमोजिम हुम्ला जिल्लाको मुख्य निर्वाचन अधिकृतको कार्यालयमा जडान गरिएको पौडेलले बताएका हुन । सीसी क्यामेरा जडानका लागि सबै स्थानीय तहसँग समन्वय भई निर्वाचन अधिकृतको कार्यालयले मतगणना स्थलमा जडान गर्ने जानकारी प्राप्त भएको छ ।
सम्भावित घटनाको मध्यनजर गर्दै सबै मतगणना स्थलमा सीसी क्यामेरा जडान गरिने छन् । त्यसका लागि सबै स्थानी तहहरुसँग समन्वय गर्ने काम भइरहेको पौडेलले रेडियो कैलासलाई बताएका छन् ।