featured photo: Mansarowar Times

यति वेला हुम्ला जिल्लामा मेसिन प्रयोग गरी रुख काट्नेको संख्यामा वृद्धी भइ रहेको छ । मेसिन लगाएर रुख काट्दा पुन नपलाउने र बन जंगलमा रहेका चराचुरुङगी वन्यजन्तु भागेर अन्य ठाउँ जाने भएकाले वनजंगलमा मेसिन प्रयोग गर्नमा रोक लगाउनु पर्ने हुम्ला जिल्ला खार्पुनाथ गाउँ पालिका वडा नं ५ याँङचु गाउँका स्थानियवासी एव पुर्व शिक्षक धनध्वज शाहीले बताएका छन् ।

हरियो वन नेपालको धन भन्ने नारालाई आत्मसाथ गर्दै युवाहरुले एक रुख काटे २ रुख रोप्नु पर्ने मानसिकताको विकास गर्नु पर्ने आवश्यक रहेको शाहीले बताएका छन् । यति वेला खार्पुनाथ गाउँपालिका वडा नं ५ मा जथाभावी मेसिन लगाइ रुख कटानले सामुदायिक तथा राष्ट्रिय वन सखाप हुँदै गएकोले जसको नियन्तणका लागी सरोकारवाला निकायको ध्यान केन्द्रित हुनु आवश्यक रहेको शाहीले बताएका छन् ।
प्राकृतीकरुपमा हुर्केका रुखहरुलाई मेसीन लगाइ पुरुषार्थ देखाउने युवाहरुलाई सरोकारवाला निकायले समयमै नियन्त्रण गर्न नसके हरियो वन नेपालको धन भन्ने नारा कुनै दिन कथामा मात्र सिमित हुने शाहीले बताएका छन् ।
अनुमती लिई वा नलिई रुख कटान गर्दा मेसिन प्रयोगले जंगली जनावर भागी एक वनबाट अर्को वनमा जाने र जंगली जनावर संरक्षणमा कठिन भएकाले बनजंगलमा मेसिन प्रयोग गर्न वन्देज गर्नु पर्ने शाहीले बताएका छन् ।