हुम्ला

नेपाली काँग्रेसको हुम्ला जिल्लाको ७ औ र केन्दीय १४ औ अधिवेसनमा देखिएको विवाद समाधान भएको छ । शनिवर नेपाली काँग्रेसका नेता तथा कार्यकर्ताहरु बीच बसेको बैठकले पार्टी भित्र देखिएको आन्तरीक समस्यालाई समाधान गरी एक ढीक्का भएर आगामी बैशाख ३० गते हुने स्थानिय तहको निर्बाचनमा जाने निर्णय गरेको छ ।

सोही विषयलाई लिएर नेपाली काँग्रेसकी पुर्व संविधान सभा सदस्य रीता शाहीले एक विज्ञप्ती प्रकासित गरेकी छन् । उक्त विज्ञप्तीका अनुसार नेपाली काँग्रेसको १४ औ महाधिवेसनको समयमा हुम्ला जिल्ला अधिवेसन संचालन हुने क्रममा केही तिक्तता र असमझदारी बढनुका साथै समानान्तर समिति गठन हुने अवस्था सिर्जना भयो । सबैबाट विगतलाई समिक्षा गर्दै वर्तमान परिवेशमा खेल्नु पर्ने भुमिकाको आवश्यकता महसुस गरेर समानान्तर समिति नरहेको शाहीले बताएकी छन् ।

अहिले नेपाली काँग्रेसको घर घर जाऔ, नेपाली काँग्रेस जताऔं भियान शुरु भएको छ यो अभियानलाई सफल पार्न हरेकको काँधमा भारी र हरेक हातमा जिम्मेवारी आएको रामबहादुर भण्डारीले बताएका छन् ।

राम्रो र सकरात्मक कार्यबाट नै हामीले हाम्रो लक्ष्य प्राप्त गर्न र नेपाली काँग्रेसका आम नेता कार्यकर्ताको आशा र भरोशा पुरा गर्नुका साथै बिचारलाई परिपक्क पार्न सक्छौ । जसबाट नै विकास र निकास हुन्छ । तसर्थ नेपाली काँग्रेसलाई कसैले भ्रममा नपार्न र सुदृढ बनाउन हामी एक भएर सहमति, सहकार्य, सहअस्थित्व र सहयात्राको राजनैतिकलाई थप मजवुत पार्दै अगाडी बढेका छौ र सधै बढिरहने नेपाली काँग्रेसका सभापति मोहन विक्रम सिंहले बताएका छन् ।

उक्त कार्यक्रम शनिवार दिनको ५ वजे नेपाली काँग्रेस पार्टी कार्यालय सिमकोटमा बसेको थियो ।