खानेपानी सिचाइ तथा उर्जा विकास कार्यालय प्रमुख अकल महतले पानीको स्रोतको संरक्षण गर्दै पर्यावरण सन्तुलनमा योगदान पु-याउन सबैलाई आग्रह गरेका छन् । विश्व पानी दिवस–२०२२ का अवसरमा शुभकामना दिँदै उनले समस्त जीवनजगत्को अस्तित्वको रक्षा गर्ने प्रकृतिप्रदत्त वरदानका रूपमा रहेको पानीको महत्त्व, संरक्षण र दिगो प्रयोगका बारेमा जनचेतना अभिवृद्धि गर्नुपर्ने प्रमुख महतले बताएका छन् ।

पानी र प्रकृतिसँग प्राणीजगत्को अस्तित्व गाँसिएको महतले बताएका छन् । प्रमुख महतले भूमिगत जलस्रोत महत्त्वपूर्ण प्राकृतिक सम्पदा भएकाले यसको दिगो संरक्षण आवश्यक रहेको उल्लेख गरेका छन् ।जलस्रोतको ठूलो अंश मानिने भूमिगत जलस्रोतको प्रयोगमा जनसङ्ख्याको ठूलो हिस्सा आश्रित भइरहेको उल्लेख गर्दै उनले स्वच्छ खानेपानीको आपूर्ति र सरसफाइसम्बन्धी उद्देश्यहरूलाई प्राथमिकतामा राखी सरकारले विभिन्न कार्यक्रम अघि बढाइरहेको बताएका छन् ।