०५ आषाढ २०८३, शुक्रबार
राज शाही आइतबार, चैत्र ०६, २०७८ मा प्रकाशित
व्राहदल गुल्म रानीवन व्यारेक सिमकोट हुम्लाको सहजीकरणमा ३५ जना विद्यार्थीलाई राष्ट्रिय सेवा दल तालीमको लागी राष्ट्रिय सेवा दल प्रशिक्षण तालिम शिक्षालय कोलपुरमा पठाएको छ । जानु पर्ने ३६ जना भए पनि १ जना छात्रको स्वास्थ्यमा समस्या आए पछि ३५ जना मात्र उक्त तालीमका लागी पठाइएको मानसरोवर माध्यामिक विद्यालय सिमकोट हुम्लाका सुचना अधिकारी राजबहादुर शाहीले बताएका छन् ।
ब्राहदल गुल्म सिमकोट हुम्लाले मानसरोवर नमुना माध्यामिक विद्यालय, सिमकोट हुम्लाबाट छनोट गरिएका विद्यार्थीलाई तालीमका लागी नेपाली सेनाको स्काइ ट्रकको दुई चाटर गरी ३६ जना विद्यार्थी र २ जना शिक्षक पठाएको हो । तालीममा मानसरोवर नमुना माध्यामिक विद्यालयका १८ छात्रा र १७ छात्र गरी ३५ जना विद्यार्थीलाई राष्ट्रिय सेवा दलको जुनियर तालीमका लागी आइतबार पठाइएको ब्राहदल गुल्मका गुल्मपति गणेश खड्कले बताएका छन् ।
नेपालमा विसं २०२२ देखि यस्तो तालीम प्रदान गरिँदै आएको छ । गुल्मपति खड्काले तालीमले युवामा अनुशासित, इमान्दार र बफादारिताको भावना विकास गराउन मद्दत पुग्ने बताएका छन्।विद्यार्थीलाई विभिन्न ब्यायाम, प्राथमिक उपचार, विपद् व्यवस्थापन, सामान्य युद्धकलालगायत सम्बन्धी तालीम दिइने भएको छ ।
विसं २०२२ यता नेपालमा सिनियर र जुनियरतर्फ गरी ४३ हजार ६३२ छात्र÷छात्राले उक्त तालीम लिएको गुल्मपती खड्काले बताएका छन् । एक सय दिनसम्म सञ्चालन हुने उक्त तालीम ३१ दिन विद्यालयमा संचालन गरी १५ दिन सामूहिक क्याम्प कोहलपुरमा सञ्चालन गरिने सेनाले जनाएको छ । यसअघि पनि सेनाले यहाँका विभिन्न विद्यालयमा सेवा दल तालीम सञ्चालन गरेको थियो ।
सडकको यातयात नजोडिएको हिमाली जिल्ला हुम्लामा नेपाली सेनाको स्काइ ट्रकले निशुल्करुपमा दुई चाटर गरी आइतबार राष्ट्रिय सेवा दल प्रशिक्षण तालिम शिक्षालय कोलपुरका लागी उडान भरेको गुल्मपती खड्काले बताएका छन् । ।
बाजुराको गुम्बा गाउँका स्थानीय हुम्ला अन्तरगत मैला पञ्चायतमा
रेडियो कर्णाली आवाजको बार्षिक उत्सबमा जवाफ देहिता कार्यक्रम
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
