राज शाही शुक्रबार, चैत्र ०४, २०७८ मा प्रकाशित

कर्णाली प्रदेशका मुख्यमन्त्री जीवनबहादुर शाही गृह जिल्ला हुम्ला पुग्नु भएको छ । शुक्रबार बिहान हुम्ला आउनु भएको मुख्यमन्त्री शाहीको टोलीमा प्रमुख सचिव, मुख्यमन्त्री कार्यालयका सचिव, स्वास्थ्य महाशाखाका प्रमुखलगायतको सहभागिता रहेको छ।मुख्यमन्त्रीको टोलीलाई सिमकोट विमानस्थलमा स्वागत गरिएको छ। मुख्यमन्त्री भएपछि दोस्रोपटक हुम्ला पुग्नुभएका शाहीले शुक्रबारबाटै जिल्लाका विभिन्न कार्यक्रममा सहभागिता जनाउनु भएको छ।

उहाँले जिल्लाका सात वटै गाउँपलिकाका योजना शाखा र शाखा प्रमुखहरुको लागि सञ्चालन हुने योजना तर्जुमा, मध्यकालीन खर्च र दिगो विकास लक्ष्यसम्बन्धी तालिमको उद्घाटन  गर्नु भएको थियो । त्यसलगत्तै मानसिक स्वास्थ्यसम्बन्धी स्वास्थ्यकर्मीहरुको तालिमको समेत उद्घाटन गर्दै मुख्य मन्त्री शाहीले यसरी आफ्नो भनाइ समेत राख्नु भएको थियो । शुक्रबार नै मुख्यमन्त्री शाहीले रोजगार कार्यक्रमको अन्तरक्रिया कार्यक्रममा पनि सहभागीता जनाउनु भएको थियो ।

शनिबार जिल्ला अस्पताल हातामा निर्माण हुने नयाँ अस्पताल भवनको शिलान्यास गर्ने कार्यक्रम रहेको छ।त्यस्तै छोरीको बैंक खातासम्बन्धी कार्यक्रममा मुख्यमन्त्री शाहीले सहभागिता जनाउने कार्यक्रम रहेको निजी सचिवालयले जनाएको छ।त्यसैगरी गाउँपालिकाका प्रमुख र उपाध्यक्ष तथा प्रमुख प्रशासकीय अधिकृतसँग छलफल तथा निर्देशन दिने कार्यक्रमसमेत गरिएको छ।

जिल्लास्थित सरकारी कार्यालय प्रमुखलाई निर्देशन दिने कार्यक्रमसमेत तय भएको प्रमुख जिल्ला अधिकारी सीता परियारले जानकारी दिइन्।दुईदिने हुम्ला भ्रमणपछि मुख्यमन्त्रीको टोली आइतबार सुर्खेत फिर्ता हुने उनले बताइन्।त्यसै गरी हेड नेपालको निरिक्षण तथा अनुगमन समेत गरिएको शनिवार गरीएको छ ।

सम्बन्धित

ताजा अपडेट
नेतृत्व बिकास एवं शैक्षिक गुणस्तर बिकास सम्बन्धी अन्तरक्रिया
पुरुष फुटबल सेमिफाईनलमा सिम ब्वाईज र ठेहे फुटबल क्लव विजेता
नेकपा एमालेले पार्टी जागरण, प्रशिक्षण तथा शुभकामना आदान प्रर्दान

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक: राज शाही
सह-सम्पादक: दिपबहादुर शाही

सम्पर्क

सिमकोट ६ हुम्ला
Website: https://www.mansarowartimes.com
E-mail: rajanhahi@gmail.com

सम्पर्क न.: ९८५८३२०८९८, ९८४८३८५१२२,०८७६८००८९