०५ आषाढ २०८३, शुक्रबार
राज शाही शुक्रबार, माघ २८, २०७८ मा प्रकाशित
बरादल गुल्म रानीवन व्यारेक हुम्लाका गुल्मपती गणेस खड्काको नेतृत्वको नेपाली सेनाले हुम्लामा भेटिएको सकेट वम डिसपोज गरेको छ । उक्त वम नेपाली सेनाको टोलीले सुक्रबार डिसपोज गरीएको हो ।
सो बम हुम्ला जिल्लाको खार्पुनाथ गाउँपालिका वडा नं ४ को मेहल रुखमा भेटिएको थियो । स्थानीयले बम जस्तो देखिने बस्तु भएको कुरा प्रहरीलाई जानकारी गराउदा बम भेटिएको स्थानमा बरादल गुल्म रानीवन व्यारेकका नेपाली सेनाको टोली पुगेपछि सकेट बम भएको सेनाले पत्ता लगाएको हो ।
नेपाली सेनाको बराहदल गुल्मका गुल्मपति गणेश खड्काका अनुसार शंकास्पद रुपमा भेटिएको बस्तु सकेट बम भएको पत्ता लागेको हो । बम भएको आशंका गरिएको जानकारी पाउने बित्तिक्कै गुल्मपति खड्का सहित सेनाको टोली घटनास्थलमा पुगेको थियो ।
बमलाई डिस्पोजल गर्ने उपकरण सहित टोली पुगेको हो । सेनाको टोलीले सकेट बम भएको पत्ता लगाएसंगै त्यसलाई डिस्पोज गरिएको छ । सकेट बम भेटिएको स्थान वरपर सर्वसाधारण विहिवार दिउसो कसैलाई आउजाउ गर्न दिईएको थिएन ।
बम भेटिएको स्थल सदरमुकाम सिमकोटबाट डेढ घण्टा पैदल लाग्ने गर्छ । सेनाले आजै बमलाई डिस्पोज गरेर फिर्ता भएको हो । सेनाले सो सकेट बम माओवादी युद्धका क्रममा राखिएको हुन सक्ने गुल्मपती खड्काले बताएका छन ।
बाजुराको गुम्बा गाउँका स्थानीय हुम्ला अन्तरगत मैला पञ्चायतमा
रेडियो कर्णाली आवाजको बार्षिक उत्सबमा जवाफ देहिता कार्यक्रम
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
