२२ मंसिर २०८२, आइतबार
राज शाही सोमबार, माघ २४, २०७८ मा प्रकाशित
हुम्ला जिल्लाको एक मात्र यातायातको साधन हवाई सेवा पाँचौ दिनमा सुचारु भएको छ । दुई दिन लगातार परेर बिमानस्थलमा जमेको हिउ स्नोलक भेईकल र बिमानस्थलका कर्मचारी मिलेर पन्छाएपछि बल्ल हवाई सेवा सुचारु भएको हो । नागरिक उड्यायन प्राधिकरण सिमकोट शाखाले अबरुद्ध भएको पाँचौ दिनमा हवाई सेवा सुचारु भएको जानकारी दियो । बिमानस्थलमा जमेको हिउ भेईकल र कर्मचारी मिलेर सोमबार पन्छाउन सफल भएसंगै ढिलोगरि पाँचौ दिनमा हवाई सेवा सुचारु भएको हो ।गत शनिबार नै बिमानस्थलमा जमेको हिउ भेईकलले पन्छाउन सुरु भएको थियो । आज बिहान रन वेको छेउछाउ र पार्किङस्थलमा रहेको हिउ प्रहरी र बिमानस्थलका कर्मचारी मिलेर पन्छाउनु भएको थियो ।
पहिलो उडान नेपालगंजबाट सीताका दुई वटा र तारा एयरको एउटा जहाजले भरेका थिए । जसमा तारामा यात्रुहरु आउन पाएका थिए भने सीता एयरले खाद्यन्न ढुवानी गरेको थियो । नेपालगंजमा चार दिन लगातार यात्रु हुम्ला आउन नपाएपछि मर्कामा पर्दै आएका थिए ।दोस्रो उडानमा सीता एयरले सुर्खेतबाट खाद्यन्न भरेको थियो ।
सेवा सुचारु भएसंगै यात्रु आउजाउ सहज भएको छ भने खाद्यन्न ढुवानी सुरु भएको छ । त्यसैगरि कार्गोको सामान पनि ढुवानी हुन थालेको छ । यसबाट हुम्लामा देखिएको दैनिक उपभोग्य सामाग्रीको अभाबमा सहजता हुनेछ । लामो समय हवाई सेवा बन्द हुँदा तरकारी, मासु र अन्य अत्यावश्यक सामाग्रीको अभाव देखिएको छ । त्यसैगरि सिमकोटबाट पनि यात्रुलाई गन्तव्य पुग्न तथा जडिबुटी ढुवानी सुरु भएको छ । यसवर्ष हिमपातको कारण लामो समयसम्म पहिलो पटक हवाई सेवा अबरुद्ध हुन पुगेको हो । यसअघि हिमपातको कारण एक एक दिनगरि दुई दिन मात्र हवाई सेवा अबरुद्ध भएको थियो ।
जिल्ला स्वास्थ्य सेवा कार्यालय हुम्लाले इन्फ्लुएन्जा (फ्लु) बाट बच्न आग्रह
घरपालुवा पशुलाइ जंगली जनावर भालुले क्षेती पुर्याय क्षेतीपुर्ती पाउने
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
