हुम्ला

बैंक तथा वित्तिय संस्थामा जाने ग्राहकहरुले कार्यालय प्रवेश गर्नु अघि व्यक्तिगत विवरण भर्नु पर्ने भएको छ। नेपाल राष्ट्र बैंकले मंगलबार मार्गदर्शन पत्र २०७७ जारी गर्दै ग्राहहरुले कार्यालय प्रवेश गर्नुअघि व्यक्तिगत विवरण भर्नुपर्ने व्यवस्था लागु गरेको हो। उक्त मार्गदर्शनमा अब बैंक तथा वित्तिय संस्थाका कार्यालयमा प्रवेश गर्दा सेवाग्राहीले आफ्नो हालको ठेगाना, नाम, सम्पर्क नम्बर लगायतको विवरण रजिष्टर अनिवार्य रुपमा गराउनु पर्ने उल्लेख छ। यस्तै बैंकका कर्मचारी, सेवाग्राही लगायतका अन्य सरोकारवालाहरुको स्वास्थ्य सुरक्षा तथा कोरोना संक्रमणको सम्भावनालाई न्यूनिकरण गर्नका लागि कार्यालय प्रवेश गर्दा अनिवार्य रुपमा इन्फ्रारेड थर्मोमिटरबाट शरीरको तापक्रम मापन गर्न लगाउने र सो कार्यका लागि सुरक्षा समूह सर्भिलेन्स ग्रुपका कर्मचारीहरुलाई खटाउनु पर्ने बैंकले जनाएको छ। उक्त मार्गदर्शन अनुसार इन्फ्रारेड थर्मोमिटरबाट शरीरको तापक्रम जाँच गर्दा सेवाग्राही, कर्मचारी या अन्य सरोकारवालाहरुको १०० डिग्रीभन्दा रहेको अवस्थामा मात्र कार्यालयमा प्रवेश गराउने अन्यथा प्रवेशमा रोक लगाउनुपर्छ।