नेकपा एकिकृत समाजवादीको बैठक अदानचुली गाउँपालिको केन्द्र श्रीनगरमा बुधबार वसेको छ । पार्टी अध्यक्ष शिबराज शर्माको अध्यक्षता र सो पार्टीको कर्णाली प्रदेश सभाका प्रमुख सचेतक देवी वलीको प्रमुख आथित्यमा बैठक बसेको हो ।

उक्त पार्टीका प्रमुख बिभाग संयोजक कर्णबहादुर रोकायाका अनुसार एक दिन सञ्चालन भएको बैठकले बिभिन्न निर्णय गरेको छ । बैठकले आजैबाट स्टिकर अभियान सञ्चालन गर्ने निर्णय गरेको हो । स्टिकरमा कोरोना महामारी बिरुद्धका जनचेतानमुलक सन्देश देखि पार्टीको संगठन निर्माण र बर्तमान सत्ता गठबन्धनलाई वलियो बनाउनेसम्मका कुरा उल्लेख गरिएका छन् ।

सो अभियान जिल्लाका सात वटै गाउँपालिमा गरिनेछ । त्यसैगरि बैठकले कोरोना महामारीकाबिच सामाजिक दुरी कायम गर्दै संगठन सुदृढीकरण अभियान पनि सञ्चालन गर्ने जनाएको छ । बैठकमा जिल्ला कमिटीको पदाधिकारी र साठी प्रतिशत सदस्यहरुको उपस्थिती रहेको संयोजक रोकायाले जानकारी दिएका छन् ।