हुम्ला जिल्ला अदानचुली गाउँपालिका वडा नम्वर ६ की ३० वर्षिया मृगौला पिडित घोगीसरा नेपालीलाई हाल आर्थिक समस्या भएपछि उपचारमा समस्या भएको छ । मृगौलामा समस्या आएपछि आर्थिक अभावकै कारण रोग सन्चो नगरेरै घर फर्कनु परेको पीडितको गुनासो रहेको छ ।

आर्थिक जुटाउन नसकेपछि उपचारमा समस्या भएको छ । आर्थिकको अभावले केही दिनदेखि सुर्खेत जिल्लामै रहेकी नेपालीले भनिन, कसैको सहयोग नरहेपछि आफ्नै रोग लिएर हुम्ला फर्केको बताएकी छन । उनका अनुसार केहि दिन अघि प्रदेश अस्पताल सुर्खेतबाट नेपालगंज मेडिकल कलेज रिफर गरीएको थियो । उपचार सम्भव छैन् डाक्टरले घर लैजान भनेपछि सवैलाई हारगुहार गरेर जिल्ला फर्कनु परेको श्रीमान खुमबहादुर नेपालीले बताएका छन ।

पीडितले आर्थिक सहयोगका लागि स्थानीय तह लगायत विभिन्न निकायसंग हार गुहार गर्दा पनि कसैको सहयोग नरहेको गुनासो गरेका छन् । मृगौला पीडित नेपालीले यस अघि ज्याला मज्दुरी गरेर कमाएको झण्डै २ लाख रुपैया हुँदासम्म आफ्नो उपचार गरियो तर त्यस यता निक्कै सास्ती भएको बताइएको छन ।