हुम्लाको कर्णाली नदीमा मानव कंकाल भेटीएको छ । उक्त कंकाल मंसिर १३ गते वेलुका अवेर भेटिएको हो प्रहरी निरिक्षक दानसिह भण्डारीले बताएका छन् । उनका अनुसार मंसिर १३ गते अवेर गरी भेटिदा कर्णाली नदिबाट ननिकालिएको बताएका छन् । १३ गते अंध्यारो भएकाले कर्णाली नदिबाट ननिकाली १४ गते विहानै निकालेको बताएका हुन ।

१३ गते निकाल्दा राती भएको र राती प्रमाणहरु नष्ट हुन सक्ने भएकाले ननिकालिएको र १४ गते विहानै निकालिएको जिल्ला प्रहरी कार्यालय हुम्लाका प्रहरी निरिक्षक भण्डारीले बताएका हुन । मंसिर १४ गते सो शव निकाली सोही दिननै सदरमुकाम सिमकोट ल्याइएको हो । उक्त शव खार्पुनाथ गाउँ पालिका वडा नं १ बोक्चे गहुडा खण्डको मोति विसउना भन्ने कर्णाली नदिएमा भेटिएको हो ।

वटुवाले कर्णाली नदिको तिरमा मानव कंकाल झुण्डिएको देखेपछि प्रहरीलाई खवर गर्दा सुरक्षाकर्मी सोही ठाउँमा पुगी कंकाल वरामद गरेको थियो । सो कंकाल डिएनयका लागी आज जिल्ला स्वास्थ्य कार्यालय हुम्लामा पठाइएको प्रहरी निरिक्षक भण्डारीले बताएका छन् । उक्त कंकाल को कसको हो भन्न सक्ने अवस्था नभएकाले डियनए पछि मात्र थाहा हुने भएको हो ।