१६ माघ २०८२, बिहिबार
राज शाही बिहिबार, मंसिर ०९, २०७८ मा प्रकाशित
हुम्ला जिल्ला भरिका उत्कृष्ट उद्यमी तथा व्यवसायी पुरस्कृत भएका छन । सफल रुपमा उद्यमी बनेर नमूना बनेका जिल्ला भरिका उद्यमी मध्य तीन जना उद्यमी व्यवसायी पुरस्कृत भएका हुन ।
उद्योग तथा उपाभोक्ता हित संरक्षण कार्यालयका प्रमुख धुर्बकुमार बाठामगरले सातौ उद्योग दिवसको अवसरमा जिल्ला भरिका उत्कृष्ट उद्यम व्यवसाय संचालन गर्ने तीन जना उद्यमी पुरस्कृत भएको जानकारी दिएका छन् । राम्रोसंग उद्योग सञ्चालन गरे आफुलाई सफल उद्यमी बनाउन सफल ब्यक्तिहरुलाई प्रोत्साहन स्वरुप पुरस्कृत गरिएको हो ।
यसरी पुरस्कृत हुने उद्यमीमा नाम्खा गाउँपालिका–१ को हेक्पा गाउँका पचास वटा मौरीका घार पालेर नमूना बनेका किसान दावा लामा, न्यू सहमिल तथा फर्निचर उद्योग सफल रुपमा सञ्चालन गर्दै आएकी सिमकोट–३ बरगाउँकी सोनाम डिकी लामा र जिल्लामै एक मात्र अल्लो प्रशोधन गरे जिल्ला बाहिर निकासी गर्न सफल अदानचुली गाउँपालिका–४ को लौठी गाउँका मण्डाल्ली अल्लो प्रशोधन उद्योगका सञ्चालक प्याउरी जैसी रहेकाी छन ।
उनीहरु तीन जनालाई क्रमश प्रशंसापत्र र नगद क्रमश ५६ हजार, ३४ हजार र ३० हजार प्रदान गरिएको हो । आफु पुरस्कृत भएपछि मण्डाल्नी अल्लो प्रशोधन उद्योगकी जैशीले व्यवासयलाई थप अगाडी बढाउन हौसला मिलेको बताएकी छन । साथै कार्यक्रममा सहभागी अन्य उद्यमीहरुलाई पनि दोसल्ला ओढाएर सम्मान गरिएको थियो ।
७ औ राष्ट्रिय उद्योग दिवशको अपसर पारी सो पुरस्कृत गरीएको कार्यालय प्रमुख बाठामगरले बताएका छन् ।
अनुमति लिएर राखिएका हातहतियार बुझाउन अपिल
लोकतन्त्रको सुन्दर पक्ष निर्वाचन भएको , काँग्रेस उम्मेदवार रोकाया
प्रतिनिधिसभा निर्वाचनका लागि हुम्ला जिल्लाबाट ८ वटा दलले मनोनयन दर्ता
