अशोज ८ गतेबाट विद्युत प्रसारण वन्द भएको हिल्दुम जलविद्युत आयोजना अव चाँडै नै संचालनमा आउने भएको छ । ग्याविन लगाउने देखि पाइप जडानको काम हाल जनपद प्रहरी, नेपाली सेना, ससत्र प्रहरीहरुले तदारुकताका साथ गरि रहेका छन् । सिमेन्टको काम सम्पन्न गरी पाइप जोडेने कार्यमा हिल्दुम विद्युत वितरणको मर्मतमा खटिएको सुरक्षा कर्मीले गरी रहेको छ ।

यस अघि नै विद्युत संचालनमा ल्याउने तयारी भए पनि अजोज ३१ गतेबाट ३ दिन परेको अविरल वर्षाले मर्मत भई रहेको विद्युतमा पुन क्षेती गरेको र दशैं तिहारको विचमा हवाइ जहाज नियमित उडान नहुँदा सो आयोजनाका लागी चाहिने पाइप लगाएतका अति आवश्यक सामाग्री समयमै ढुवानी हुन नसकेका कारण केही ढिला हुन गएको प्रमुख जिल्ला अधिकारी गणेश आचार्यले वताएका छन।

विद्युत मर्मतका लागी आर्थिक जोहो खानेपानी तथा सिचाइ कार्यालयबाट ३० लाख यस अघि नै उपलब्ध भएको र पुन कर्णाली प्रदेशबाट थप वजेट पनि खानेपानी तथा सिचाइ कार्यालयमा प्राप्त भएकोले मर्मत संम्भारका लागी वजेटको अभाव नभएको प्रमुख जिल्ला अधिकारी आचार्यले बताएका छन् ।

प्रमुख जिल्ला अधिकारीका अनुसार अहिले ३ वटै सुरक्षा निकायका सुरक्षाकर्मी जोडतोडका साथ लागी परेकाले अव तिहार अगाडी विद्युत संचालनमा आउन सक्ने बताएका छन् । सिमेन्टको काम सम्पन्न गरी पाइप जोड्ने कार्य शनिवारबाट सुरु भएको छ ।