२० मंसिर २०८२, शुक्रबार
राज शाही शुक्रबार, भाद्र ११, २०७८ मा प्रकाशित
म्याद सकिएका र बजारमा सामानको मुल्य मंहगिएको गुनासो आए पछि हिमाली जिल्ला हुम्लामा बजार अनुगमन गरिएको छ । बजार अनुगमन समितिका सदस्य सचिव एव उद्योग तथा उपभोक्ता हित संरक्षण कार्यालय प्रमुख धुर्व कुमार बाठामगर र सहाय प्रमुख जिल्ला अधिकारी दसरथ राईको संयोजगत्वमा दुइ समुह बनाइ सुक्रबार जिल्ला सदरमुकाम सिमकोटका बजारमा स्थापित पसलहरुको अनुगमन गरीएको हो ।
अनुगमनका क्रममा यस अघि भन्दा यति वेला बजारमा म्याद गएका सामानहरु बढी फेला नपरेको सदस्य सचिव बाठामगरले बताएका छन । यस अघि ठुलो परिमाणमा सिमकोट बजारमा म्याद गुज्रेका सामाग्री फेला परेका थिए भने यस पटक चामल १ बोरा अन्य विष्कुट चाउ चाउ लगाएतका न्युन मात्रामा म्याद गएका सामाग्री भेटिएको र सुक्रबार वेलुका नष्ट गरिएको छ ।
सुक्रबार विहान ८ वजेबाट जिल्ला सदरमुकाममा स्थापित पसलहरुको दर्ता प्रमाण पत्र,करचुक्ता प्रमाण पत्र लगाएतका कागजात समेतको अनुगमन गरिएको थियो । अधिकाँस पसलमा फेन्सी खाध्य पर्दाथ संगै मदिरा जन्य पर्दाथ पसलमा राखिएको भए पनि केही पसल वाहेक अन्य पसलमा मदिरा अनुमती पत्र नभएको पाइएको थियो ।
पहिलो पटकका लागी यसो नगर्न चेतावनी समेत दिएको र पछिल्लो अनुगमनमा कि मदिरा नराख्न र राखेमा मदिरा विक्रिका लागी अनुमती पत्र पनि राख्नु पर्ने सुझाव दिएको थियो । किराना पसल संगै मासु समेत बिक्री गरेको पाइएकाले मासु बिक्री अलग गर्न पनि सुझाव दिइएको थियो ।
यो पटक सुझा दिइएको र यो भन्दा पछि यस किसिमका कार्य गरेको पाइएमा कानूनी कार्वाहीका लागी पहल गरीने सोही अनुगमन समितिका संयोजक एव उद्योग तथा उपभोक्ता हित संरक्षण कार्यालय प्रमुख धुर्व कुमार वाठामगरले जानकारी दिएका छन् । अनुगमनमा पत्रकार र सरोकारवाला निकायका पदाधिकारी संगै सुरक्षाकर्मीको सहभागीता रहेको थियो ।
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
मोतिया विन्दु सल्यक्रिया र हेपाटाइटिस बि सम्बन्धिको भ्याक्सिनेसन शिविर
