०५ भाद्र २०८३, शुक्रबार
राज शाही शनिबार, साउन १६, २०७८ मा प्रकाशित
हुम्ला
कोरोना त्रास मत्थर हुँदा हिमाली जिल्ला हुम्लामा फुटबल प्रशक्षिण सुरु भएको छ । संभावना भएका साना र ठुला खेलाडीको लागि जिल्लामा पहिलो पटक उक्त प्रशिक्षण कार्यक्रम सुरु भएको हो । सिमकोट स्थित खेल मैदानमा हुम्ला फुटबल एकेडेमीको आयोजनामा बिहीबारबाट छ देखि १३ वर्ष र १३ वर्षदेखि माथिका उमेर समुह बनाएर प्रशिक्षण सुरु भएको एकेडेमीका सदस्य बुद्धि रोकायाले बताए ।
दुई घण्टासम्म सञ्चालन हुने सो प्रशिक्षण कार्यक्रम बिहान र बेलुका गरि दुई चरणमा सुरु गरिएको छ । प्रशिक्षणको पहिलो दिन दुबै समुहका लागि तीस जना खेलाडीहरुको सहभागिता रहेको छ । प्रशिक्षणका लागि सानो उमेरका खेलाडीको लागि पुर्ण रुपमा निशुल्क गरिएको छ भने १८ वर्ष माथिका लागि भर्ना शुल्क लिने गरिएको छ ।
यो प्रशिक्षण कार्यक्रम महिला खेलाडीको लागि पनि हुनेछ । खेल सामाग्रीको व्यवस्था एकेडेमीले गरेको छ । प्रशिक्षण कार्यक्रम दुई हप्तासम्म जारी रहनेछ । यसका लागि प्रशिक्षण दिन फिफाबाट लाईसेन्स प्राप्त प्रशक्षक मदन बुढ्थापा हुम्ला आएर सो काम गरि गरेका छन् । ९ हजार १ सय ५० मिटर उचाईमा प्रशिक्षण सुरु भएको छ ।
यसअघि टिभी हेरेर वा ग्राउण्डमा फुटबल खेलेर मात्र सिकेका खेलाडीले पहिलो पटक प्रशिक्षण पाउदा खुसी व्यक्त गर्नु भएको छ । प्रशिक्षक बुढथापाले खेलाडीको स्तर हेर्दा हुने बिरुवाको चिल्लो पात भने झै पहिलो दिनको खेलाडीको गतिबिधि हेर्दा संकेत राम्रो देखिएको बताए ।
लैङ्गिक हिंसा, जातीय संवेदनशीलता तथा सामाजिक सद्भावसम्बन्धि कार्याशाला गाेष्ठी
विद्यालयमा दिवा खाजा कार्यक्रममा प्राकृतिक खेतीका उत्पादन जोड्न समन्वय
विषादी रहित स्थानीय उत्पादन विद्यालयको दिवा खाजामा प्रयोग
