हुम्ला

नबसिसु तथा आमाका लागि सुत्केरी स्याहार किट बितरण गरिने भएको छ । सुत्केरी आमा तथा शिशुको सरसफाई र पोषणलाई ध्यानमा राखि उक्त किट बितरण गर्न लागिएको हो ।

खार्पुनाथ गाउँपालिकाका स्वास्थ्य संयोजक बलिराज शाहीले हालसम्म स्वास्थ्य संस्थाहरुमा सुत्केरी हुन आउने आमाको समस्यालाई ध्यानमा राखि नौ प्रकारका सामाग्रीको व्यवस्था गरि स्याहार किट बितरणको तयारी गरिएको बताएका छन् । उनले गाउँबस्तीमा सुत्केरी हुने आमाको अबस्था दयनीय देखेर साउन १ गतेबाट लागु हुने गरि सामाग्री सहयोग गर्न लागिएको हो ।

गाउँपालिका भरि वर्षमा दुई सय भन्दाबढी महिलाहरु स्वास्थ्य संस्था तथा घरमै सुत्केरी हुने र उनहरुलाई ती सामाग्रीको आबश्यक खड्किएपछि स्वास्थ्य शाखाले यो कार्यक्रम तर्जुमा गरेको शाखाले जनाएको छ ।

किटहरुमा नबजात शिशु तथा आमाका लागि भित्रि बस्त्र, लुगा धुने सावुन, डेलिभरि प्याड, हात धुने सावुन, हर्लिक्स, न्यानो झोला, भिटामिन ए र सी, आईरन र क्याल्सिएम तथा स्थानीय उत्पादनबाट उत्पादन गरिएका तयारी पौष्टिक आहार समाबेश गरिने भएको छ । यी किट बितरणबाट आमा र शिशु दुबैको सरसफाई र पोषणमा सुधार ल्याउने बिस्वास गरिएको छ ।