०४ आषाढ २०८३, बिहिबार
राज शाही शुक्रबार, जेठ २८, २०७८ मा प्रकाशित
हुम्ला
दुर्गमको हिमाली जिल्ला हुम्लामा ६ हजार भन्दा बढी नागरिकले कोरोना बिरुद्धको खोप लगाउन सफल भएका छन् । खोप अभियान सञ्चालन भएयता सरकारले प्राथमिकतामा राखेका वर्गका नागरिकहरुले सो खोप लगाएका हुन । कोरोना बिरुद्ध नेपालमा प्रयोगमा आएका कोभिसिल्ड र भेरोशिल खोप गरि ६ हजार २ सय ८८ जनाले खोप लगाएको स्वास्थ्य सेवा कार्यालय प्रमुख प्रेमबहादुर सिहले बताएका छन् ।
सिहका अनुसार यसमा कोभिसिल्ड खोप लगाउनेको संख्या ६ हजार २ सय १ जना र गत जेठ २५ गतेवाट कोरोना बिरुद्ध लगाउन लागिएको भेरोसेल खोप ८६ जनाले लगाएका छन् । यसमा कोरोना बिरुद्ध अग्रभागमा खटिएका जनशक्तिहरुले सो खोप लगाएका हुन ।
जिल्ला अस्पताल र सात वटै गाउँपालिकामा खोप लगाउने कार्य भएको थियो । कुल खोप लगाउने मध्य उनानसाठी दशमलव बैसट्टी प्रतिशत ५५ वर्ष माथिका जेष्ठ नागरिकहरुले सो खोप लगाएका छन । यसमा ५५ वर्ष माथिका खोप लगाउने नागरिकको संख्या ३ हजार ७ सय ७१ जना रहेका छन । ५५ वर्षदेखि ६५ वर्षका नागरिकलाई स्वास्थ्य सेवा कार्यालय र ६५ वर्ष माथिका जेष्ठ नागरिकलाई सात वटै गाउँपालिकामा लगाउने कार्य भएको थियो ।
खोप लगाउनका लागि स्वास्थ्यकर्मीहरु नाम्खा गाउँपालिका– ६ को लिमी देखि चंखेली, अदानचुली र ताँजाकोट गाउँपालिकाका दुरदराजका गाउँमा पुगेका थिए । पहिलो चरणको खोप लगाउनका लागि स्वास्थ्यकर्मीमा समेत त्रासको अवस्था रहेको भएपनि अहिले सबै नागरिकलाई कोरोना बिरुद्धको खोप लगाउने आर्कषण वढ्दै गएको कारण माग धान्नै कठिन भएको प्रमुख सिंहले बताएका छन ।
फोनमा खोप लगाउनका लागि कुरा गर्ने देखि कार्यालयमा आएर खोप लगाई दिन आग्रह गर्नेको संख्या दिनप्रतिदिन बढी रहेको सिहले बताएका छन् । हालसम्म जिल्लामा कोरोना बिरुद्ध खोप लगाउनेको संख्या महिला भन्दा पुरुषको बढी रहेको स्वास्थ्य सेवा कार्यालयले जनाएको छ ।
बाजुराको गुम्बा गाउँका स्थानीय हुम्ला अन्तरगत मैला पञ्चायतमा
रेडियो कर्णाली आवाजको बार्षिक उत्सबमा जवाफ देहिता कार्यक्रम
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
