०१ आषाढ २०८३, सोमबार
राज शाही सोमबार, जेठ २४, २०७८ मा प्रकाशित
जिल्लामा पहिलो पटक व्यवसायीक लसुन खेती सुरु गरिएको छ । लसुनको उत्पादन राम्रो हुने र आम्दानी पनि हुने भएपछि यसको व्यवसायीक खेती सुरु गरिएको हो ।
चार रोपनी जग्गामा पहिलो पटक लसुन खेती सुरु गरेको सिमकोट गाउँपालिका– ३ को लाङ्दु गाउँका छिमेल लामाले जानकारी दिएका छन् । यसअघि थोरै लगाउदा उत्पादन राम्रो हुने देखिएपछि अन्य बाली लगाउने जग्गामा लसुन लगाएको र खेती पनि राम्रो भएको हो ।
दुई जना परिवारका सदस्यहरुको कामै लसुनको रेखदेख र गोडमेल गर्ने कार्य भई रहेको बताउदै खेती हेरेरै आफु सन्तुष्ट भएको लामाले बताएका छन् । बेराजगार भएर बस्नु भन्दा केही काम गर्ने शोचको कारण लसुन खेतीमा लागेको बताउदै आम्दानी राम्रो हुनेमा उनी ढुक्क छन । बिहान देखि बेलुकासम्म लसुन खेतीमा समय बिताउने लामाले नयाँ खेतीबाट शिक्षा भने राम्रो सिकेको उनले बताएका हुन । हुम्लामै उत्पादन भएको लसुनले माग धान्ने देखिएको छ ।
नेपालगंजबाट हवाई मार्गमा आयात हुने लसुनको मुल्य प्रतिकेजी चार सय रुपियाँ पर्ने गर्छ । तर जिल्लामै उत्पादन भएको लसुनको मुल्य पनि सस्तो र स्थानीयले काम पनि पाउदा दुवैतर्फ फाईदा हुने देखिएको कृषि प्राबिधिक नेत्र शाहीले बताएका छन । हुम्ला जिल्ला लसुन खेतीका लागि निक्कै उपयुक्त देखिएकोले किसानलाई आर्कर्षित गर्न सके आम्दानी बढाउने सकिने उनले बताएका छन् ।
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
जिल्ला प्रशासन कार्यालयका सम्पुर्ण कार्यक्रम बहिस्कार
झुठ्ठा मुद्दा खारेजीको माग गर्दै हुम्लामा बिरोध प्रदर्शन
