हुम्ला
करीब तीन महिना देखि स्थानीयको विरोधमा विवादीत बनेको राष्ट्रिय गौरवको आयोजना कर्णाली करिडोर निर्माणलाई वहुमतका आधारमा निर्माण कार्य अगाडी बढाइने भएको छ ।

आजै वडा ४ र ६ को संयुक्त बसेको बैठकले पुरानै सिमकोट खार्पु खण्डको डिपिआर चोर बाटोबाट नै ल्याउने सहमति भएको वडा ४ का अध्यक्ष छविचन्द्र लामाले बताए । वडा पाँचका स्थानीयले विरोध गरेपछि तीन महिना देखि राष्ट्रिय गौरवको आयोजनाको निमाृण कार्य रोकिएको छ ।

कर्णाली करिडोर अन्र्तगत सिमकोट खार्पु खण्डको डिपिआर चोर बाटोबाट ल्याएको भन्दै स्थानीयले सडक निर्माण कार्य अगाडि नबढाउन माग गर्दै रिबोधमा उत्रिएका छन् । वडा ५ का ३१४ घरधुरीलाई सडकले नछोएको भन्दै उनीहरु विरोध गर्दै आएका हुन् ।

तीन महिना देखि सडक निर्माण कार्य रोकिदा वडा पाँचका जनता विकासको प्रतिफल पाउनबाट आफै बन्चित भएका हुन् । यहाँका नागरीक विकासमुखी हुन छोडेर विकास विरोधी भएको जस्तै देखिएको छ ।

केही दिन अगाडी सडक निर्माणलाई अगाडी बढाउनको लागी स्थानीय प्रशासनको अगुवाईमा स्थलगत रुपमा निरीक्षणका लागी निस्केपनि स्थानीयको विरोधपछि विना सहमतिमा टोली फिर्ता भएको थियो ।

सडक निर्माण रोकिदा जनता आफै प्रतिफल पाउनबाट बन्चित हुनुको साथै शुक्रबार वडा ४ र ६ को बसेको बैठकले पुरानै डिपिआरलाई सहमति दिने निर्णय समेत गरेका छन् ।