०७ भाद्र २०८३, आइतबार
राज शाही आइतबार, जेठ १६, २०७८ मा प्रकाशित
हुम्ला
लगातार ३ दिनको अविरल वर्षाले जिल्लाको जनजिवन प्रभावित भएको छ । स्थानियवासीलाई खेतवारी, मेलापातो जान र गाइ, बस्तु, भेडा, बाख्रा चरिचरन क्षेत्रमा लिन समस्या भएको छ । त्यसै गरि जिल्लाका उच्च हिमाली भेगमा हल्का हिमपात समेत भएको छ ।
३ दिनको अविरल वर्षाले जिल्लाका साना देखि ठुला खोलमा पानीको बहाव बढेको छ । पानीको बहाव वढ्दा खोला तथा कर्णाली नदि नजिक बसोबास गर्ने मानिसहरु त्रसित भएका छन् । विगतका वर्षमा हुम्ला जिल्लामा खोला नजिक वसोबास गरेका गाउँ तथा बास स्थानमा पानी पसि पहिरो समेत गएको थियो ।
विगत १ महिना देखि दिन विराएर परेको पानीले जिल्लाका खोला तथा कर्णाली नदी नजिक भिरालो जमिनमा बसोबास गरेका वासिन्दाहरु पहिरो तथा बाढिले केही क्षेती पो गरिहाल्छकी भन्ने चिन्ताले रातीको समयमा जागराम बस्न थालेका छन् ।
स्थानिय प्रशासनले विश्वमा फैलिएको कोरोना भाइरसको माहामारि संगै अविरल वर्षाले पनि जिउ ज्यानको क्षेती गर्न सक्ने भएकाले त्यसतर्फ पनि सचेत हुन जानकारी गराएको छ । भिरालो जमिन खोला तथा कर्णाली नजिक छेउछाउमा वसोबास गरेकाहरु सजक रहन जानकारी समेत गराएको छ । जिल्लामा काँही वाढी पहिरो गइ जोखिम बढेमा नजिकको प्रहरी चौकी जनप्रतिनिधि लगाएत संचार माध्यमलाई जानकारी गराउन समेत आग्रह गरेको छ ।
यो अविरल वर्षाले खोलामा लगाइएका काठे साँघु समेत भत्काउदा मानिसहरुलाई आवत जावत गर्न समस्य भएका जिल्ला विभिन्न गाउँ पालिका बाट हाम्रा स्थानिय संवाददाताले खवर पठाएका छन् । ठुलै बाढी पहिरो नगए पनि सामान्य बाली लगाएका खेत बारीको तल माथिको जमिन भाँसिएको जसले गर्दा उब्जनी हुने खेतवारीमा क्षेती पुगेको कृषकले बताएका छन् ।
लैङ्गिक हिंसा, जातीय संवेदनशीलता तथा सामाजिक सद्भावसम्बन्धि कार्याशाला गाेष्ठी
विद्यालयमा दिवा खाजा कार्यक्रममा प्राकृतिक खेतीका उत्पादन जोड्न समन्वय
विषादी रहित स्थानीय उत्पादन विद्यालयको दिवा खाजामा प्रयोग
