२१ मंसिर २०८२, शनिबार
राज शाही शुक्रबार, बैशाख ३१, २०७८ मा प्रकाशित
जिल्लाको दक्षिण क्षेत्रको सर्केगाड गाउँ पालिकामा कोरोना परिक्षण गरिएको छ । सुक्रबार परिक्षण गरिएको कोरोना चेकजाँचमा पहिलो दिन १५ जनाको चेक जाँच गर्दा ४ जनामा कोरोना पोजेटीभ देखिएको छ ।
ताँजाकोट गाउँ पालिकामा बुधबार चेक जाँच गर्दा ८ जना र विहिबार ३० जनाको चेकजाँच गर्दा ११ जनामा गरी १९ जनामा कोरोना पोजेटिभ देखिएको ताँजाकोट गाउँ पालिका अध्यक्ष बागदल मल्लले बताएका छन् ।
त्यसै गरी विहिवार हुम्ला जिल्लाको सदरमुकाम सिमकोटमा चेक जाँच गर्दा २ जनामा कोरोना पोजेटिभ देखिएको थियो भने आज सुक्रबार ८ जनालाई कोरोना चेकजाँच गर्दा कोही पनि पोजेटिभ देखिएका छैन ।
सर्केगाड गाउँ पालिकाले आफ्नै आर्थिक सहयोगमा एन्टिजन किट खरिद गरी आज १५ जनाको कोरोना चेक जाँच गर्दा ४ जनामा पोजेटिभ देखिएको जिल्ला स्वास्थ्य कार्यालय प्रमुख प्रेमबहादुर सिहले बताएका छन् ।
त्यसै गरी जिल्ला सदरमुकाम सिमकोटमा यस अघि कोरोना चेक जाँच गर्दा १७ जनामा कोरोना पोजेटिभ देखिएको थियो भने विहिवार २ जना थप भइ १९ जना पुगेका छन् । जसमा ८ जना आइसोलेसनमा बसी कोरोना सम्बन्धी कुनै लक्षण नदेखिए पछी बैशाख २९ गते घर फर्केका छन् ।
अव हुम्ला जिल्लामा आइसोलेसनमा ४२ जना रहेका छन् । १९ जना ताँजाकोट गाउँ पालिकाको आइसोलेसन, ११ जना सदरमुकाम सिमकोटको आइसोलेसनमा र सर्केगाड गाउँ पालिकाको आइसोलेसनमा ४ जना रहेका छन् । अव जिल्लामा कुल कोरोना संक्रमितको संख्या ४२ जना पुगेको छ । जसमा ८ जना निको भएर घर फर्केका छन् ।
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
