पानीको व्यवस्था नहुदा क्वारेन्टिनमा वसेकाहरुलाई सरसफाइ तथा सौच गर्न समस्या भएको छ । हिमाली जिल्ला हुम्लामा नेपालगन्ज सुर्खेतबाट आएका ८ जना व्यक्तीलाई कोरोना पोजेटिभ देखिए पछी हुम्ला जिल्लाको सदरमुकाम सिमकोटको रानीवनमा रहेको क्वारेन्टिनमा राखिएको छ ।

उक्त क्वारेन्टिनमा प्राप्त पानी नहुदा सौचालय तथा लगाएको लुगा धुन र सरसफाइ गर्न समस्या भएको त्यहाँ रहेकी एक जना महिलाले बताएकी छन् । त्यसै गरी आफु सहित ३ जना विद्यार्थी रहेको र आफ्नो अनलाईन कक्षा संचालन भईरहेकाले नेट नहुदा पठन पाठनमा समस्या आएको ति महिलाले वताएकी छन् ।

हाल उक्त क्वारेन्टिनमा ८ जना रहेको ८ जना मध्य सबैको स्वास्थ्य अवस्था सामान्य रहेको भए पनि एक जनाको अलि वढि छाती दुखेको भन्ने सम्मको खवर प्राप्त भएको छ । उक्त क्वारेन्टिनमा वसेकाहरुलाई स्वास्थ्यकर्मीले नियमित चेक जाँच गरी स्वास्थ्य उपचार गरी रहेको पनि खवर प्राप्त भएको हो ।

खानेपानीको जडान उक्त क्वारेन्टीनमा गरिएको भए पनि पानी नआउदा त्यहाँ रहेका पानीका ट्रयाङकी नभरिएकाले पानीको समस्या आएको वुझिएको छ ।