२२ आश्विन २०८३, बिहिबार
राज शाही शनिबार, बैशाख ११, २०७८ मा प्रकाशित
उत्तरी हुम्लामा दुई फिटसम्म हिउँ जम्न थालेको छ। बुधबार बिहान एक बजेबाट सुरु भएको हिमपात पर्नेक्रम जारी छ। पानी पर्दा चिसो बढ्दै गएपछि वैशाखमा हिमपात भएको हो।
नाम्खा गाउँपालिकको अधिकांश क्षेत्र, सिमकोट र खार्पुनाथ गाउँपालिकाका केही क्षेत्रमा दुई फिटभन्दा बढी हिमपात भएको स्थानीय सुनाम लामाले जानकारी दिए। वैशाखमा विरलै पर्ने हिउँ यस वर्ष धेरै परेको उनले बताए। हिमपात जारी रहेका कारण उत्तरी हुम्ला पुस, माघ महिनाको जस्तो सेताम्मे देखिन थालेको उनले बताए।विशेष गरी नेपाल र चीनको सीमा क्षेत्र हिल्सामा बाक्लो हिमपात भएको छ।हिल्सा आउजाउ गर्ने बाटो भएको छ।
मंगलबार मात्र चार हजार ६ सय मिटर अग्लो नारा लेकमा मानिस आउजाउ गरेका थिए। सदरमुकाम सिमकोटभन्दा तल भने वर्षा भएको छ ।तर, तापक्रम भने एक्कासि बढेको स्थानीयले बताएका छन्। सिमकोटमा तापक्रम माइनस रहेको र हिल्सामा भने माइनस ४ डिग्री पुगेको हिल्साका व्यापारी पाल्जोर लामाले जानकारी दिए।
मेडिकल जीवनमा मिनेट भन्दा पनि सेकेन्डको महत्व धेरै हुनेः पुर्व मुख्य मन्त्री शाही
नेपाली काँग्रेस प्रदेश सभा क्षेत्र क र ख को अधिवेसन सम्पन्न
माध्यामिक विद्यालय शिक्षक युनियन जिल्ला कार्यसमिति गठन
