०१ आषाढ २०८३, सोमबार
राज शाही मंगलबार, फाल्गुण ११, २०७७ मा प्रकाशित
हुम्ला
हिमाली जिल्ला हुम्लामा माघे पुर्णीमा तथा चैतलो पर्वको रौनक वढेको छ । माघे पुर्णीमा जिल्लाका वढी जसो गाउँपालिकामा मनाउने गरिन्छ । विशेष गरी यो पर्व क्षेत्री तथा ठकुरी वस्तीहरुमा मनाउने गरीन्छ । देविदेवताको भाकल गरी पुकार गरेको मठ मन्दीरमा खसीको वली दिइ भव्यरुपमा पुजा पाठ गर्ने गरीन्छ । भक्तजनहरु मन्दीरमै पुगी खसीको वली दिइ गाउँका सबै भक्तजनहरु जमघट भइ धामी झाँक्री नाची रमाइलो गरी वली चढाएको खसीको प्रसाद ग्रहण गर्ने गर्दछन् । यसै वची गाउँले साथी भाइ मिली मठमन्दीरमा लामो भन्दा लामो सल्लाको लुग्रा हाल्ने चलन पनि रहेको छ । यो पर्वको वेला विशेष गरी कुल देवताको वढी पुजा आजा गर्ने गरीन्छ ।
घर आगन मठ मन्दीर लिपपोत गरी सरसफाइ समेत गर्ने गरीन्छ । सरसफाइ गरी मठ मन्दीरमा पुरी तथा तरकारी वनाइ भक्तजनहरुलाई प्रसाद दिने पनि गरिन्छ । भक्तजनहरुको पालो लगाएर मठमन्दीरमा पुरी वनाउने चलन परम्परा देखि रहेको खार्पुनाथ गाउँ पालिका वडा नं ५ याँङचु गाउँका पुजारी बालकृष्ण शाहीले बताएका छन् ।
विशेष गरी यो पर्व सिमकोट गाउँ पालिकाको वडा नं ५ को चौपाटीमा परम्परागत पहिर महिलाहरुले धारण गरी देउडा तथा चुट्कीला खेल्ने, युवा युवती दौतरी मिलाइ देउडा खेल्ने , युवाहरु भक्तजनको रमाइलोका लागी सटफुट हान्ने लगाएतका विभिन्न खेल प्रतियोगिता गर्ने गरेको सिमकोट गाउँ पालिका वडा नं ५ का गोरा रावतले बताएका छन् ।
त्यसै गरी सिमकोट गाउँ पालिका वडा नं १ र २ ठेहे गाउँमा माघे पुर्णीमाको अवसरमा जिल्लाकै ठुलो मेला चैतलो लाग्ने गर्दछ ।उक्त चैतलो पर्वमा महिला पुरुष मिली भुत भगाउने नाटक गर्ने देउडा चुट्कीला खेल्ने परम्पार रहेको छ । बाक्पा चउठाल ढाल तरवार लगाएतका विभिन्न कला संस्कृती प्रस्तुत गरी भक्तजनहरुलाई रमाइलो गर्ने गरीन्छ ।
आजबाटै माघे पुर्णीमाको रौनक जिल्लामा सुरु भएको छ । सिमकोट तल्लो गाउँको चौपाटीमा हालिने लुगो अर्थात लुग्रो स्थानिय साथी भाइ युवाहरु मिलेर आज एकादशीको अवसर पारी चौपाटीमा पुर्याइ सकेका छन् । माघ १२ गते दुवादसीको अवसर परी उक्त लुग्रो ठड्याइने छ ।
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
जिल्ला प्रशासन कार्यालयका सम्पुर्ण कार्यक्रम बहिस्कार
झुठ्ठा मुद्दा खारेजीको माग गर्दै हुम्लामा बिरोध प्रदर्शन
