featured photo: Mansarowar Times

हुम्ला

कक्षा १ देखि ८ कक्षा सम्म पठन पाठन हुने विद्यालयमा पानीको हाहाकार परेको छ । विद्यालयमा पानी नहुदा विद्यार्थी आधा घण्टाको दुरीमा रहेको खोलाको दुसित पानी पिउन वाध्य भएका छन् । खानेपानीको हाहाकार हुने विद्यालयमा सर्केगाड गाउँ पालिका वडा नं ८ रादेव गाउँमा रहेको अशुवर्मा आधारभुत विद्यालय रहेको हाम्रा सर्केगाड गाउँ पालिका संवाददाता ओम प्रसाद जैसीले बताएका छन् ।

उक्त विद्यालयमा पानी नहुदा विद्यार्थी तथा शिक्षकलाई सौचालय प्रयोग गरी सकेपछि हात धुन समेत समस्या भएको सोही विद्यालयका शिक्षक पृथीवी बहादुर हमाललाई उद्रित गर्दै संवाददाता जैसीले बताएका छन् ।

सो विद्यालयमा हाल १ सय ५० जना भन्दा वढी विद्यार्थी र ७ जना शिक्षक रहेको र उनीहरु सबैलाई खानेपानीको समस्या भएको खवर प्राप्त भएको छ । पटक पटक सरोकारवाला निकाय जिल्लामा स्थापित सरकारी तथा गैर सरकारी कार्यालय वडा कार्यालय समेतलाई खानेपानीको व्यवस्थाका लागी पहल गरिदिन अनुरोध गरे पनि कोही कसैबाट उक्त समस्याको समाधान हुन नसकेको जैशीले बताएका छन् ।