featured photo: Mansarowar Times

नेपाली कानुन अनुसार विवाह गर्ने उमेर २० वर्ष पुग्नु पर्ने अनिवार्य गरिएको छ । दश वर्ष नपुगेकी बालिकाको विवाह गरे गराएको रहेछ भने छ महिनादेखि तीनवर्ष सम्म कैद तथा एक हजार रुपैंया देखि दश हजार रुपैंयाँ सम्म जरिवान, दश वर्ष देखि माथि, चौध वर्ष नपुगेकी वालिकाको विवाह गरे गराएको हो भने तीन महिना देखि एक वर्षसम्म कैद तथा पाँच हजार रुपैंया सम्म जरिवाना, वीस वर्ष उमेर नपुगेकी स्वास्नी मानिस वा लोग्ने मानिसको विवाह गरे गराएमा ६ महिना सम्म कैद वा दश हजार रुपैंया सम्म जरिवाना वा दुवै सजया हुने व्यवस्था रहेको छ ।

विवाहलाई वैधानिकता प्रदान गर्न सामाजिक, सांस्कृतिक एव धार्मिक रुपमा सम्पन्न विवाह नै भए पनि विवाह दर्ता भने अनिवार्य रुपमा गराउनु पर्छ । अनिवार्य रुपमा विवाह दर्ता गराउनुपर्छ । सन्तान जन्मिएपछि उसको जन्मदर्ता पनि अनिवार्य रुपमा गराउन पर्छ । विवाहलाई पुर्णरुपमा कानूनी वैधता प्राप्त विवाह गर्न आफ्नो धर्म संस्कृतिक अनुसार गरिएको विवाह तथा विवाह दर्ता ऐन अनुसार गरिएको विवाहलाई मानिन्छ ।