हुम्लामाको ग्रामिण क्षेत्रमा शिक्षामा छोरीलाई विभेद गरिंदै आएको छ । कानुनले शिक्षामा समान हकको व्यवस्था गरेको भएपनि अविभावकको गलत सोंचाई र बुझाईले छोरीहरु शिक्षाको हकबाट बञ्चित भईरहेका छन् । उनी विद्यालयबाट फर्केपछि घर सफा गर्न भाँडा माझ्ने र कपडा धुने लगायतका घरयासी काममा आमालाई सघाउछन् । यसले उनीको पढाइमा असर पारेको छ ।

छोरीले काम नसिके दुःख पाईले अभिभावकको सोंचले पढाईमा बाधा परेको उनको बुझाई छ । कक्षा ८ मा अध्ययनरत छात्रा बिमलाले विद्यालय पछिको समय घरको काममा दिनुपर्छ । उनले आमासँगै घाँसदाउरा समेत जान्छीन् । तर दाजुभाईले खेलेर दिन बिताउँछन् । १४ वर्षका विमलाले खाना पकाउन, घर सफा गर्न, घाँस काट्न सबै काम सिकि रहेकी छन ।

घरको काममा छोराभन्दा छोरी बढी व्यस्त देखिन्छन् । छोरी पराई घर जाने हो भन्दै काममा लगाउनाले उनीहरुको पढाईमा असर परेको छ । एक जना शिक्षक का अनुसार घरकै काममा ब्यस्त रहने छात्रा प्राय विद्यालयमा कम हाजिर हुने बताउँछन् । तथ्याङ्क अनुसार माथिल्लो कक्षामा पुग्दा छात्रभन्दा दुई प्रतिशत बढी छात्राले विद्यालय छोडेको देखिन्छ । घरको कामको बोझ पनि विद्यालय छोड्नुको एउटा कारण रहेको शिक्षकहरु बताउँछन् ।