पर्यटन मन्त्री योगेश भट्टराईले आफु छापामार शैलीमा हुम्ला पुगेको बताए छन् । पुर्ब कार्यक्रम बिनै अकस्मात मंगलवार हुम्लाको सदरमुकाम सिमकोट पुगेका मन्त्री भट्टराईले आफु हुम्ला आउनुको रहस्य खोल्दै सो कुरा बताएका हुन । खासमा बाँकेको नेपालगंज स्थित राँझा एयरपोर्टमा जहाज राख्ने ह्याङ्गरको सिलान्यास गर्न जाने कार्यक्रम भएपनि नेकपाको सहयात्री दल पुर्ब माओवादीको भाषा छापामार शब्द सापटी लिएर आफु हुम्ला सदरमुकाम सिमकोट कुनै योजना बिना पुगेकोले छापामार शैली अपनाएको बताए । हुम्लाबासीसंग मन्त्री भट्टराईले सो कुरा राख्दा हाँसो उठेको थियो ।

भिआईपी जाने कार्यक्रम पुर्ब तयारी हुने भएपनि आफुने कुनै योजना बिना सिमकोट बिमान स्थलको कालो पत्रे, घेरवार र एप्रोन निर्माणको कार्य अनुगमन गर्ने छोटो समयमा तयारी भएपनि हुम्ला आएको उनले बताए । अर्को कोरोना कहरले गर्दा मानिस धेरै जम्मा हुने कार्यक्रम गर्न नहुने भएको कारण पनि कसैलाई थाहा नदिएको मन्त्री भट्टराईले बताए । आफु कोरोना मुक्त भएको कारण आफुवाट कुनै डर नमान्न तर कोरोनाबाट बच्न सावधानी भने अपनाउन हुम्लावासीलाई आग्रह गरे । मन्त्री भट्टराई दुई घण्टा हुम्लामा बसेका थिए । मन्त्री भट्टराईसंग नागरिक उड्डयान प्राधिकरणका महानिर्देशकको सरकारी टोली पनि अनुगमनमा सहभागी रहेको थियो ।