०६ भाद्र २०८३, शनिबार
राज शाही सोमबार, मंसिर ०८, २०७७ मा प्रकाशित
हुम्ला जिल्लाका सामुदायीक तथा राष्ट्रिय बनबाट संकलन भएको तीस करोड मुल्य भन्दाको बढी जडिबुटी निकासी हुने तयारीमा रहेको छ । संकलन पुर्जीबाट संकलन भएको उक्त जडिबुटी अब छुटपुर्जीको पर्खाइमा रहेको हो ।
जडिबुटी ब्यबसायी संघका अध्यक्ष राम बहादुर भण्डारीले तीन हजार आठ सय क्वीन्टल जटामासी संकलन भएर सिमकोट बिमान स्थलमा आई पुगेको बताए । एक क्वीन्टल जटामासीमा पचपन्न हजार मुल्य पर्ने गर्छ । यस हिसावले हुम्लाबाट जटामासी मात्र बीस करोड नब्बे लाख मुल्यको जिल्लावाट निकासीको तयारीमा रहेको छ । जब कि गत वर्ष दुई हजार क्वीन्टल जटामासी मात्र निकासी भएको थियो ।
त्यो संगै डिभिजन बन कार्यालयका प्रमुख निरज झालका अनुसार ५ सय क्वीन्टल कुट्की र ५ सय क्वीन्टल सेताक चिनी पनि निकासीको तयारीमा रहेका बताए ।
सबै जडिबुटी गरि जिल्लाबाट तीस करोड मुल्यको जडिबुटी निकासी हुने तयारीमा रहेको जडिबुटी ब्यापारीले बताउदै आएका छन्भ । एक जना व्यापारीले ५ सय क्वीन्टलसम्म जडिबुटी खरिद गरेर निकासी गर्ने तयारी गरि रहेका छन् । ब्यापारीका अनुसार हुम्ला जिल्लाबाट सबै भन्दा बढी जडिबुटी यसवर्ष निकासी हुने तयारीमा रहेको छ । हुम्लामा आम्दानीको मुख्य श्रोत जडिबुटीबाट स्थानीयको कमाईमा पनि बृद्धि भएको छ । बनबाट संकलन भएर आएको जडिबुटी सिमकोट बिमान स्थलमा जताततै राखिएको छ ।
लैङ्गिक हिंसा, जातीय संवेदनशीलता तथा सामाजिक सद्भावसम्बन्धि कार्याशाला गाेष्ठी
विद्यालयमा दिवा खाजा कार्यक्रममा प्राकृतिक खेतीका उत्पादन जोड्न समन्वय
विषादी रहित स्थानीय उत्पादन विद्यालयको दिवा खाजामा प्रयोग
