featured photo: Mansarowar Times

नेपाल प्रहरीका एक जना सुरक्षाकर्मीले रगत दान गर्दा एक जना महिलाको ज्यान वचेको छ । सिमकोट गाउँ पालिका वडा नं ८ की ४१ वर्षिया सुना वुढा रगत वढी वगी सिकिस्त भए पछी जिल्ला अस्पताल पुर्याइएको सिनिएर अनमी सरिता बोहोराले जानकारी गराएकी छन् ।

वुढाले गर्भपतनको औषधी जिल्लामा संचालित मेडिकलबाट खरिद गरी खाँदा अन्ति स्टेजमा जिल्ला अस्पतालमा उपचार गर्न पुगेको सिनिएर अनमी बोहोराले बताएकी छन् । चिकित्सको सल्लाह विना नै जथाभावी वजारमा पाइएको गर्भपतनको औषधी खाँदा रगत वगेर सिकिस्त भएकी हुन ।

निजको रगत वगी मर्न र बाँच्नको दोसाँधमा पुगे पछि आज नेपाल प्रहरीका राजेन्द्र रानाले रकगत दान गरे पछि उनको अवस्था अहिले सुधार उन्मुख भएको सिनियर अनमी बोहोराले बताएकी छन् । निज विरामी अहिले जिल्ला अस्पताल हुम्लामै उपचार भइरहेको खवर प्राप्त भएको छ ।