२१ मंसिर २०८२, शनिबार
राज शाही सोमबार, कार्तिक २४, २०७७ मा प्रकाशित
हुम्ला
हुम्ला जिल्लाको उत्तरी भेगमा रहेको नाम्खा गाउँ पालिका वडा नं ६ को सुनखानी प्रहरी चौकीमा कार्यरत प्रहरी फिर्ता भएको छ । जिल्लाको उच्च स्थानमा रहेको सिमा प्रहरी चौकीमा चिसो बढे पछि सदरमुकाम सिमकोट केन्द्रित भएको हो । चिसो माइनस २ डिग्रिमा झरी बस्न नसक्ने भए पछि उक्त प्रहरी चौकीमा कार्यारत प्रहरीहरु जिल्ला प्रहरी कार्यालय सिमकोट फिर्ता भएको प्रहरी निरिक्षक सिता राम विष्ठले बताएका छन् ।
हिउदे मौसममा सो बाटो भएर कोही आवत जावत नगर्ने र सुनखानी प्रहरी चौकी रहेको नाम्खा गाउँ पालिका वडा नं ६ मा झै झगडा वढी नहुने र भई हाले पनि प्रहरी समक्ष नपुगी गाउँ घर मै मेलमिलाप हुने गरेको स्थानियवासी पेम्बा तामङले बताएका छन् । उक्त वडामा तिन गाउँ जाँग हल्जी र तिल गाउँ वस्ती रहेका छन् ।
बर्षेनी सिमा सुरक्षाका लागी जिल्ला प्रहरी कार्यालय सिमकोट हुम्लाबाट जेठ महिनामा जाने सिमाको सुरक्षा गर्ने र कार्तिकमा फिर्ता हुने गरेको निरिक्षक विष्ठले बताएका छन् । २०७७ कार्तिकमा फिर्ता आएको सुरक्षाकर्मीको टोली अव २०७८ जेठमा जाने भएको छ । यो विचको अवधीमा उक्त सिमा प्रहरी चौकी रहेको स्थानमा करिव ६ फिट सम्म हिमपात समेत हुने भएकाले कसैको आवत जावत समेत हुने नगरेको र त्यहाका स्थानियवासी पनि घर भन्दा बाहिर ननिक्लिने र हिमापातले एक घरबाट अर्को घर सम्म पुग्न पनि मुस्किल हुने गरेको स्थानियवासी पेम्बा तामाङले बताएका छन् । यस्तो अवस्थामा विवाद झैझगडा नहुने त कुरै भएन स्थानिय लामाले भने ।
प्रहरी चौकीबाट सिमा क्षेत्र टाढा भएको र सहजै जानपनि नसकिने भएको कारण गस्ती पनि धेरै हुने गरेको छैन । स्थानीय पेम्वा तामाङले लिमीमा कुनै घटना नघट्ने र घटेपनि प्रहरीकोमा नआएरै गाउँमै मिल्ने भएको कारण खासै प्रहरीको पनि काम नपर्ने बताएका छन ।
बस्ती भन्दा एक घण्टाको दुरीमा रहेको सुनखानीमा प्रहरी आफ्नै भवनमा बस्दै आएको थियो । प्रहरी नायव निरीक्षकको नेतृत्वमा २३ जना प्रहरी दरबन्दी भएपनि सात जना प्रहरी यसपाली चौकीमा पुगेका थिए ।
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
