हुम्ला

हिल्दुम विद्युत वितरण केन्द्र र प्रदेश सरकारबाट संचालित योजनाहरुको अनुगमन गर्न गएका कर्णाली प्रदेशका मुख्य मन्त्री घोडाबाट लडेर घाइते भएका छन् । घाइते मुख्य मन्त्री महेन्द्रबहादुर शाहीलाई हेलिकप्टरबाट रेस्क्यु गरी सुर्खेत लगिएको छ ।

मुख्य मन्त्री शाही सहितको टोलीले हिल्दुम विद्युत वितरण केन्द्रको अनुगमन गरी प्रदेश सरकारका विकासे योजनाहरुको अनुगमन गर्न सिमकोट गाउँ पालिकाको वडा नं ३ तोर्पा लिमाटाङ वरगाउँ पुगेका मुख्य मन्त्री शाहीलाई स्थानियवासीले घोडा चढाइ स्वागत गर्न खोज्दा घोडा तर्सिय पछि मुख्य मन्त्री शाही हुटिक र लिमाटाङ्ग गाउँको विच बाटोमा घोडाबाट लडेर घाइते भएको खवर प्राप्त भएको छ ।

मुख्यमन्त्री शाही घोडाबाट लडेर घाइते भए पछि तोर्पा गाउँमा सिमकोटबाट हेलिकप्टर गएर उद्धार गरी सदरमुकाम ल्याइएको थियो । सिमकोट ल्याए संगै शाहीको उपचारका लागी हेलिकप्टरले कर्णाली प्रदेशको राजधानी सुर्खेत रेस्क्यु गरिएको छ ।

मुख्य मन्त्री शाही सँगै कर्णाली प्रदेशका प्रतिपक्षदलका नेता जीवन बहादुर शाही, नेकपाका केन्द्रिय सदस्य विजय भण्डारी, कर्णाली प्रदेशका प्रवक्ता बिमला केसी लगायतका नेता तथा कार्यकर्ताहरु संगै सो अनुगमनमा गएका थिए ।

कर्णाली प्रदेशका प्रतिपक्षदलका नेता जीवन बहादुर शाही, नेकपाका केन्द्रिय सदस्य तथा जिल्ला इन्चार्ज विजय भण्डारी हेलिकप्टरमा मुख्यमन्त्री शाहीलाई उद्धार गरी सिमकोट फर्कि सकेका छन् । यस्तै प्रदेशका प्रवक्ता बिमला केसी गाउँमै रहेको जानकारी प्राप्त भएको छ ।