featured photo: Mansarowar Times

हुम्ला

जिल्लाको एक आधारभुत विद्यालय चोरी भएको छ । चोरी हुनेमा खार्पुनाथ गाउँ पालिका वडा नं ४ मा स्थापित मष्ठादेव आधारभुत विद्यालय रहेको छ । विहिवार राती विद्यालयको झ्याल फुटालि उक्त विद्यालय चोरी भएको सोही विद्यालयका प्रधानाध्यापक नन्दबहादुर शाहीले बताएका छन् ।विद्यालयको झ्याल फुटाली चोरले स सना बालबालिकाको दिवा खाजाका लागी स्टोर गरेको सामाग्री र खाध्यन्न चोरी गरेको प्रधानाध्यापक शाहीले बताएका छन् ।

चोरी भएका सामानहरुमा २ दर्जन कापी, १ दर्जन डट्पेन, १ दर्जन वोडमार्कर, ५ काटुन चाउ चाउ, २० केजीका ५ बोरा लिटो, १ कुन्टल सिमि, १ कुन्टल मकै, ५ केजी चिनी, तेल ३ काटुन, मिट मसला लगाएतका सामाग्री र खाद्यन्न चोरी गरेको प्रधानाध्यापक शाहीले बताएका छन् ।

अभिभावकले आफ्ना छोरा छोरीको दिवा खाजाकोलागी स्टोर गरिएको सामाग्री चोरी गर्दा वालबालिकाले भोकभोकै विद्यालयमा पठन पाठन गर्नु पर्ने वाध्यता रहेको छ ।