featured photo: Mansarowar Times

हुम्ला जिल्ला अस्पताल सिल गरिएको छ । हुम्ला जिल्ला अस्पतालमा कार्यरत स्वास्थ्यकर्मीमा कोरोना संक्रमण देखिए पछी बुधबारबाट हुम्ला जिल्ला अस्पताल सिल गरिएको सुचना अधिकारी भक्ती फडेराले बताएका छन् ।

जिल्ला अस्पतालमा कार्यरत एक जना स्वास्थ्यकर्मी र एक जना बाहिरको व्यक्तीमा कोरोना संक्रमण देखिएकाले जिल्ला अस्पतालको एरिया डिस इन्फेक्ट गर्नका लागी जिल्ला अस्पताल सिल गरिएको हो । अर्को सुचना जारी नहुन्जेल सम्म हुम्ला जिल्ला अस्पतालको इमरजेन्सी तथा प्रसुती सेवा बाहेक अन्य सम्पुर्ण सेवा वन्द गरिएको छ ।

पिसि आर परिक्षणका लागी कार्तिक २ गते भिटिएम स्वाव संकलन गरिएको थियो । १७ जनाको स्वाव संकलन गरि पिसिआरको लागी सोमबार सुर्खेत पठाइएको थियो । १७ जना मध्य पिसिआर रिर्पोटमा ४ जनाको कोरोना संक्रमण पोजेटिभ देखिएको जिल्ला अस्पतालका सुचना अधिकारी भक्ति फडेराले बताएका छन् ।

२ जनामा यस अघि नै कोरोना पोजेटिभ देखिएको र पुन परिक्षणका लागी स्वाव संकलन गरि सुर्खेत पठाउदा पिसिआर परिक्षणमा पोजेटिभ देखिएको हो भने थप २ जना नयाँ कोरोना संक्रमित देखिएका छन् । जो जिल्ला सदरमुकाममै बसोबास गर्ने व्यक्तीहरु रहेका छन् ।