हुम्ला जिल्लामा पहिलो पटक राष्ट्रिय परिचय पत्र जैविक बिबरण संकलन कार्य सुरु भएको छ । जिल्ला प्रशासन कार्यालय हुम्लाले सो बिबरण संकलन गर्ने कार्य सुरु गरेको हो ।

जिल्ला प्रशासन कार्यालयका अनुसार सफ्ट वयरमा राष्ट्रिय परिचयपत्र जैविक विवरण संकलन कार्य सुरु भएको जनाएको छ । हुम्सला जिल्लाका सबै नागरिकले अनिवार्य रुपमा यो विवरण भर्नु पर्ने छ । यसबाट अब प्रत्येक नागरिकको फारमले खोजे अनुसारका सबै बिबरण कम्प्युटरमा इन्ट्री गर्ने कार्य भएको हो ।

सोमबार आज पहिलो दिन चार जना नागरिकको विवरण इन्ट्री गर्ने कार्य भएको छ । जिल्लाका सबै नागरिकहरुको यो विवरण संकलन गरिने छ । हाललाई कार्यालयको एउटा कोठामा यो विवरण संकलन कार्य सुरु भएको र दशै लगत्तै ब्यापक प्रचार प्रसार गरेर यो विवरण संकलन कार्य सुरु गरिने जिल्ला प्रशासन कार्यालयले जनाएको छ ।