२० आश्विन २०८३, मंगलबार
राज शाही शुक्रबार, आश्विन १६, २०७७ मा प्रकाशित
हुम्ला
सिमापास बनाउंदा जिल्ला प्रशासन कार्यालय हुम्लामा सेवाग्राहीको घुईचो देखिने सो कार्यालयमा यो वर्ष मानिसहरुको चहलपहलमा कमी देखिएको छ । हुम्लामा रोजगारीको अवसर नभएपछि गरीव निमुखा स्थानीयवासीहरु चीनको ताक्लाकोटमा गएर आर्थिक आयआर्जन गरेर घरपरिवारको लुगाफाटो फेर्ने काम गरेका भए पनि यो वर्ष भने उनिहरुलाई विहान वेलुका समेत हातमुख जोड्नका लागि समस्या भएको छ ।
कोरोना कहरका कारण नेपाल र चिनको नाका नखुल्दा मानिसहरु आवत जावत गर्न पाएका छैनन । हाल नेपाल सरकारले बाहिर देश आवतजावतका लागि भने कुनै किसिमका सिफारीसहरु दिने काम भने गरेको छैन् । सिमा बन्दका कारण गरीव जनताको हातमुख जोड्नमा समस्या भएको हो । यो पछिल्लो समय कोरोना भाईरस कोभिड १९ को असरले सिमा पास बनाउनेको संख्या शुन्य भएको छ ।
हुम्ला जिल्लाको उत्तरी क्षेत्रमा पर्ने हिल्सा नाका बन्द भएपछि हुम्लीको आयस्रोतमा संकट भएको छ । गत वर्ष यो समयमा २७ हजार ५ सय जना हुम्लीहरुले सिमापास बनाएको जिल्ला प्रशासन कार्यालय हुम्लाको स्रोतले बताएको छ भने यो वर्ष पासपोर्ट बनाउनेको संख्यामा शुन्य रहेको छ । हुम्लीहरु रोजगारको लागि चिनको ताक्लाकोटमा वर्षेनी हजारौं व्यक्तिहरुको प्रस्थान हुने गर्दथ्यो ।
मेडिकल जीवनमा मिनेट भन्दा पनि सेकेन्डको महत्व धेरै हुनेः पुर्व मुख्य मन्त्री शाही
नेपाली काँग्रेस प्रदेश सभा क्षेत्र क र ख को अधिवेसन सम्पन्न
माध्यामिक विद्यालय शिक्षक युनियन जिल्ला कार्यसमिति गठन
