२१ आश्विन २०८३, बुधबार
राज शाही सोमबार, आश्विन १२, २०७७ मा प्रकाशित
हुम्ला
हुम्ला जिल्लामा कार्तिके वाली भित्राउन किसानहरुलाई भ्याइ नभ्याइ भएको छ । फागुन चैत बैशाखमा लगाएतको वाली कोदो चिनो फापर लगाएतका कार्तिके वाली किसानहरु यति वेला भित्राउन थालेका छन् ।
वर्षको एक वाली पाक्ने हुम्लामा मुठी रोपी मानो भित्राउने वेला भएको हो । अशोज कार्तिकमा भित्राएको कार्तिके अन्नले हिउदका ६ महिना घर परिवारको हात मुख जोड्ने गरी छ । हिउद महिनामा जिल्लामा हिमपात हुने र जिल्लाका जमिनमा पुरै हिउले सेताम्बे हुने भएकाले आज भोली भण्डारण गरेको अन्नले हिउदे महिनाको खान खर्च गर्ने गरिन्छ ।
किसानहरु आज भोली विहान ४ वजे नै खेतवारीमा पुगी रातिको १० वजे सम्म काम गर्ने गरेको पाइएको छ । जिल्लामा चिसो वढेकाले समय मै अन्न नभित्राय तुसारोले वालीमा लागेको फल झारी दिने सुकाइ दिने भयले किसानहरु रात दिन नभनी कार्तिके वाली भित्राउन थालेका हुन ।
अन्न वाली संगै हिउदे मौसममा पशु चौपायाहरुको लागी पनि घाँस भण्डार गर्न थालीएको छ । मानिस संगै पशुको आहारा पनि भण्डारण गर्नु पर्दा किसानलाई कामको चटारो परेको हो ।
यो वर्ष हिउदमा हिउ ज्यादा परि खेतवारीमा भएको पात पतिङगर सडी गली राम्रो मल हुनुका साथै वर्षा मौसममा पनि समय समयमा पानी पर्दा अन्नवादी राम्रो भएको स्थानिय वासी लोग भण्डारीले बताएका छन् ।
मेडिकल जीवनमा मिनेट भन्दा पनि सेकेन्डको महत्व धेरै हुनेः पुर्व मुख्य मन्त्री शाही
नेपाली काँग्रेस प्रदेश सभा क्षेत्र क र ख को अधिवेसन सम्पन्न
माध्यामिक विद्यालय शिक्षक युनियन जिल्ला कार्यसमिति गठन
