२० मंसिर २०८२, शुक्रबार
राज शाही मंगलबार, आश्विन ०६, २०७७ मा प्रकाशित
हुम्ला
दक्षिणी हुम्लाको अदानचुली गाउँपालिकामा एक जना बालिकामा औलो रोग भेटिएको छ । शंका लागेपछि स्वास्थ्यकर्मीहरुको टोली गाउँमा गएर सलाईट संकलन गरि ल्यापमा टेष्ट गर्दा औलो प्रमाणित भएको हो ।
मैला स्वास्थ्य चौकीका अहेब धनराज ढकालका अनुसार गाउँपालिकाको वडा नम्बर ४ को काउला ( डोक्प ) गाउँका असी जनाको आरडिटीबाट सलाईट संकलन गरि बाजुरा जिल्लाको कोल्टीमा रहेको ल्याबमा परिक्षण गर्दा औलो प्रमाणित भएको हो ।
औलो रोगको शंका लागेपछि स्वास्थ्यकर्मीको टोली गाउँमा पुगेर आडिटी संकलन गरि परिक्षण गर्दा १४ वर्षकी बालिका सुरक्षा कुवँरको सलाईटमा औलो देखिएको हो । दुई दिन ढिलो भएको भए बालिकालाई निक्कै जोखिम हुने स्वास्थ्यकर्मीले बताए । समयमै सलाईट संकलन गरेर परिक्षण गर्दा औलो प्रमाणित भएर उपचार भएपछि बालिकाको ज्यान बचेको हो ।
गत वर्ष औलो देखिएपछि महाशाखाबाट औषधी आएको र हाल सोही बचेको औषधीबाट बालिकाको उपचार गरिएको थियो । लामखुट्टेबाट सर्ने औलो रोग बिगतका दुई वर्षमा ताँजाकोटकै छ छ वटा केश देखिएका थिए । स्वास्थ्यकर्मी ढकालले तर यसपालीको औलो फेल्सिप्रभर भएको र यो हुम्लामा पहिलो पटक देखिएको बताए । पहिलो पटक जिल्लामा देखिएपछि थप परिक्षणका लागि सो सलाईट चिकीत्सक मदन कोइरालाको समन्वयमा औलो रोग नियन्त्रण महाशाखा टेकुमा पठाईएको छ ।
कोरोना संक्रमण सुरु भएपछि भारतमा काम गर्न गएका मानिस गाउँमा फिर्ता आएका थिए । उनले उनीहरुबाटै सरेको हुन सक्ने बताए। अब स्वास्थ्यकर्मीको टोलीले गाउपालिकाका अन्य वडाका गाउँमा आरडिटी किटबाट संकलन गर्ने तयारी गरि रहेको छ ।
२२ औं महिला स्वास्थ्य स्वयंसेविका दिवस विभिन्न कार्यक्रम गरि मनाइयो
हुम्लाका छ दर्जन बढी योजनाको काम चिसोले प्रभावित
हेड नेपालको सहयोगमा ३४ औ अन्तराष्ट्रिय अपाङ्गता दिवस मनाइयो
