०१ आषाढ २०८३, सोमबार
राज शाही शनिबार, आश्विन ०३, २०७७ मा प्रकाशित
हुम्ला
छिमेकी राष्ट्र चीनसंगको सिमा स्तम्भको अनुगमन गर्न प्रमुख जिल्ला अधिकारीको नेतृत्वमा सम्युक्त सुरक्षा टोली नाम्खा गाउँपालिकाको लाप्चातर्फ लागेको छ । ११ नम्बर सिमा स्तम्भ हराएको र अन्य स्तम्भको अबस्थाका बारेमा बुझ्न र अनुगमन गर्न टोली त्यसतर्फ लागेको हो ।
सहायक प्रमुख जिल्ला अधिकारी दत्तराज हमालले प्रमुख जिल्ला अधिकारी चिरन्जीवी गिरीको नेतृत्वमा तीस सदस्यीय टोली चीनसंगको सिमाना लाप्चा क्षेत्रका सिमा स्तम्भको स्थलगत अनुगमन गर्न लागेको बताएका छन । उनले प्रजिअको टोलीले चिनीया पक्षसंग छलफल गर्ने गरि त्यसतर्फ लागेको हो ।
यसअघि सहायक प्रमुख जिल्ला अधिकारी दत्तराज हमाल सो क्षेत्र जाँदा तयार गरि पेश गरेको प्रतिबदनका आधार गृहमनत्रालयले टोलीलाई स्थलगत रुपमा गएर बुझ्न निर्देशन दिएपछि त्यता गएको बताएका छन ।
टोलीले हराएको ११ नम्बरको सिमा स्तम्भको खोजी र चिनीया पक्षसंग लाप्चा मै बार्ता गर्ने भएको छ । यसअघि यसरी सरकारी टोली ताक्लाकोटमा सिमा सुरक्षाका बारेमा छलफल गरेपनि लाप्चामा गएर सिमा स्तम्भहरुको अनुगमन गरेको थिएन ।
अर्को कुरा लाप्चाको सिमा क्षेत्रमा चिनीया पक्षले भवन बनाएको कुरामा बारेमा पनि बास्तबिकता बुझ्ने प्रमुख जिल्ला अधिकारी गिरीले बताउदै सिमानामा देखिएका समस्या सबै दुई पक्षीय छलफलबाट समधान गरिने बताएका छन् ।
लिमी लाप्चा जाँदा बाटोमा पर्ने उच्च न्यालु लेखको भेदमा रहेको हिमताल
टोलीले दुई देशको सिमाना लाप्चा क्षेत्रमा रहेका सबै सिमा स्तम्भको अबस्थाका बारेमा अनुगमन गर्ने भएको छ । टोलीमा नाम्खा गाउँपालिकाका अध्यक्ष बिष्णु लामा, नयाँ भैरबी दल गुल्मका गुल्मपति प्राज्ञ बस्नेत, सशस्त्र प्रहरी नायव निरीक्षक मोहन बस्ने, राष्ट्रिय अनुसन्धानका डिएस्पी संजिब चौधरीको सहभागिता रहेको छ । साथमा नेपाली सेना, सशस्त्र प्रहरी र नेपाल प्रहरीलाई खटाइएको छ ।
बालबालिकाका कार्यक्रममा अभिभावक साथमा राख्नु पर्ने नाम्खा उपाध्यक्षः तक्दिर लामा
जिल्ला प्रशासन कार्यालयका सम्पुर्ण कार्यक्रम बहिस्कार
झुठ्ठा मुद्दा खारेजीको माग गर्दै हुम्लामा बिरोध प्रदर्शन
