१६ माघ २०८२, बिहिबार
गोर्ख रोकाया आइतबार, भाद्र २८, २०७७ मा प्रकाशित
हुम्ला
कृर्ते मुद्दाका अभियोगी वडा अध्यक्ष वुढा २ लाख धरौटीमा छुटेका छन । विजया वुढाको जाहेरीले वादी नेपाल सरकार प्रतिवादी मकुसिह वुढा भएको कृर्ते मुद्दामा आज हुम्ला जिल्ला अदालतले २ लाख धरौटीमा छोडेको हो ।
यस अघि जिल्ला प्रहरी कार्यालयले सरकारी वकिल कार्यालयको अनुमती लिइ साधारण तारेखमा रहने गरी १ लाख धरौटीमा छोडेको थियो । २ लाख धरौटी तिरी तारेखमा रहने वडा अध्यक्षमा हुम्ला जिल्ला खार्पुनाथ गाउँ पालिका वडा नं १ का वडा अध्यक्ष मकु सिह वुढा रहेका छन् ।
आर्थिक वर्ष ०७७।७८ को पहिलो कृर्ते मुद्दा हुम्ला जिल्ला अदालतमा आइतबार दर्ता भएको छ । सरकारी वकिल कार्यालयको अभियोगका साथ उक्त मुद्दा आज हुम्ला जिल्ला अदालतमा दर्ता भएको हो ।
विगो रु.९०,०००(नव्वे हजार) कायम गरी प्रतिवादी मकुसिंह बुढा र जय वहादुर शाहीलाई नेपाल नागरिकता ऐन, २०६३ को दफा २१ को उपदफा (३) वमोजिमको कसुरमा सोही ऐनको दफा २१ को उपदफा (३) बमोजिम सजाय हुन र तत्काल प्रचलित मुलुकी ऐन किर्ते कागजको महलको १नं., ७नं., ९ नं., १२ नं. हाल प्रचलित मुलुकी अपराध संहिता, २०७४ को दफा २७६ को उपदफा (१) र (२) बमोजिमको कसुरमा तत्काल प्रचलित मुलुकी ऐन किर्ते कागजको महलको ७नं., ९ नं., १२ नं. हाल प्रचलित मुलुकी अपराध संहिता, २०७४ को दफा २७६ को उपदफा (३)(ग) र (४) बमोजिम सजाय हुन मागदावी लिई उक्त मुद्दा हुम्ला जिल्ला अदालतमा दर्ता भएको हो ।
यस अघि जिल्ला प्रहरी कार्यालयमा दाखिल गरेको एक लाख धरौटी फौजदारी कसुरको अनुसन्धा सम्बन्धी नियमावली २०७५ को नियम २१ बमोजिम गरिने वा कानून बमोजिम अभियोगीलाई फिर्ता गरिने भएको छ ।
अभियोगि भाग दावी वमोजिम अभियोगीलाई ७ वर्ष कैद र ७० हजार सम्म जरिवानाको व्यवस्था रहेको छ ।
अनुमति लिएर राखिएका हातहतियार बुझाउन अपिल
लोकतन्त्रको सुन्दर पक्ष निर्वाचन भएको , काँग्रेस उम्मेदवार रोकाया
प्रतिनिधिसभा निर्वाचनका लागि हुम्ला जिल्लाबाट ८ वटा दलले मनोनयन दर्ता
